2 utas, 5 arestado sa buy-bust
CAVITE, Philippines – Bulagta ang dalawang notoryus na drug suspek habang lima naman ang naaresto sa inilatag na drug operation sa magkahiwalay na lugar sa Dasmariñas City at bayan ng Rosario, Cavite kamakalawa.
Kinilala ang mga napatay na sina Jamil “Kambal” Dimatingcal, 24, ng Block 11 sa Barangay Datu Esmael, Dasmariñas City; at Ricky “Aka” Estandarte ng Barangay Ligtong sa bayan ng Rosario.
Samantala, limang durugista na naaktuhan sa drug session ang arestado na sina Danilo “Allan Magtoto” Bigcas, 57; Angelo “Boyet Serafia” Faner, 20; Edwin Gonzales; Mark Gallego, 29; Joseph “Russel Dacullo” Lacbayo, 31; at si Allan Christian “Kimboy” Pacia, mga nakatira sa Barangay San Isidro Labrador sa Dasmariñas City.
Base sa police report na nakarating sa Camp Pantaleon Garcia, sina Dimatingcal at Estandarte ay kumasa at nakipagbarilan sa mga pulis matapos ang buy-bust operation sa sinasabing drug den.
Narekober sa drug operation ang ilang plastic sachet na shabu, baril at mga drug paraphernalia.
- Latest
