Atom may tips para makaiwas sa disgrasya
MANILA, Philippines - Mahigit sa 10,000 aksidente sa daan ang naganap noong 2016 ayon sa MMDA, kabilang ang mga disgrasya sa motorsiklo. Para maiwasan ang madagdagan pa ang biktima ng aksidente, ibabahagi ni Kapamilya anchor Atom Araullo kasama ang mga eksperto ang ilan sa mahahalagang road safety tips ngayong Miyerkules, (Abril 5) sa Red Alert sa ABS-CBN.
Kuha ng CCTV ang peligro sa daan sa buong Metro Manila. Isang lola sa Makati ang nabangga ng isang motorsiklo habang naglalakad kasama ang asawa. Nasapul din ng camera ang isang drayber ng motorsiklo na nakabangga ng isang tricycle at nakapinsala ng iba pa dahil na rin sa bara-barang pagdaan.
Alamin ang mga kapaki-pakinabang na road safety tips at alamin kung paano makakatulong sa mga naaksidente sa daan sa Red Alert, ngayong Miyerkules (April 5), pagkatapos ng Bandila sa ABS-CBN at 9:30pm sa DZMM TeleRadyo.
Manood online sa iwantv.com.ph o skyondemand.com.ph.
- Latest