KathNiel sudlan ang rom-com

CEBU, Philippines - Malipayong gipahibalo nila ni Kathryn Bernardo ug Daniel Padilla nga romantic comedy ang upcoming nila nga pelikula sa Star Cinema nga 'Can't Help Falling In Love."

Masaligon si Kathryn nga  malingaw gyud ang fans nila ni Daniel gumikan sa talagsaon nga dagan sa istorya sa maong pelikula.

"Rom-com as in rom-com talaga iyong movie na ito. Parang the whole time ay hindi siya mabigat panoorin . . . Masaya siya na may matutunan tayo after," saysay pa ni Kathryn ngadto sa ABS-CBN News.

Suma pa ni Daniel nga nasuwayan gyud nila ni Kathryn ang  abilidad nila sa light comedy nga gikinahanglan sa pipila ka mga eksena.

"Hindi naman nawawala iyong bigat nang story pero ito kasi, compared sa 'Barcelona,' mas maraming comedy ito, maraming masasayang eksena, at marami ring characters," suma pa ni Daniel.

Magtiayon ang role sa Kathniel sa 'Can't Help Falling In Love” ug pipila sa mga eksena niini ang gibuhat dinhi sa Sugbo.

Wala pa’y final play date ang maong pelikula apan taud-taod na nga gipakita ang teaser niini sa mga sinehan.

DTBY naka 4.4M tweets; daog sa rating!

Gikagubtan sa AlDub nation ang pilot episode sa serye nila ni Alden Richards ug Maine Mendoza nga “Destined To Be Yours” niadtong Lunes sa gabii.

Ug nagmalampuson gyud ang gitawag nila nga Twitter party alang sa maong show ug nikabat kini og 4.4 million tweets  .

Base sa  NUTAM (Nationwide Urban Television Audience Measurement) sa  AGB Nielsen,  ang pilot episode sa  "Destined to Be Yours" nakaangkon og  22.5%, , samtang ang kaatbang niini nga My Dear Heart sa ABS-CBN nakaangkon og 19.6% .

 Trending usab sa Pilipinas  niadtong gabhiona ang hashtag nga #DestinedToBeYoursWorldPremiere.

 Kauban nila ni  Maine ug Alden sa "Destined To Be Yours" sila si Juancho Trivino, Koreen Medina, Lotlot de Leon, Boots Anson-Roa, Gardo Versoza, Janice de Belen, Sheena Halili, RJ Padilla, Tommy Abuel, Ronnie Henares, Ina Feleo, ug  Dominic Roco.  

Boyband PH mapasalamaton kang Lea

Mapasalamaton ang mga sakop sa Boyband PH ngadto sa Broadway star nga si Lea Salonga gumikan kay nisuporta gyud kini sa ilang grupo.

Ang maong grupo gilangkuban nila ni Russel Reyes, Ford Valencia, Tristan Ramirez, Joao Constancia ug Niel Murillo.

Dili pa lang dugay, nakadayeg si Lea sa cover song sa Boyband PH sa

'80s hit nga "Somebody" sa Depeche Mode.

"I think I will speak for all of us but feeling ko it's kind of like a dream come true, to be honest. Lea Salonga is like a legend in Broadway and she's such an amazing performer and for her to even know who we are and to compliment us on like a regular basis, it's really, really crazy. It's really, really amazing too," saysay pa ni Russel.

Nahimamat na usab nila si Lea sa Christmas special sa ABS-CBN sa Araneta Coliseum sa miaging tuig.

Jessy motungha

Nagplano   ang Kapamilya actress nga si Jessy Mendiola nga motungha og fashion designing sa laing nasud.   Dili pa hinuon matino sa aktres kun kanus-a kini mahitabo gumikan sa naglinya niya nga mga proyekto.  Nasayran nga blooming kaayo si Jessy  karong panahona gumikan sa tam-is nga relasyon nila ni Luis Manzano.

Best in hilak

Giangkon ni Jasmine Curtis-Smith gihilakan gyud niya kaniadto sa dihang nasayran niya nga kaslunon na ang iyang igsuon nga si  Anne Curtis ngadto sa longtime boyfriend niini nga si  Erwan Heussaff .  Seguradong mingawon siya sa iyang igsuon sa higayon nga mobalhin na kini og panimalay.

Pribadong relasyon

Tsika pa ni Albie Casiño nga malipayon ra siya karon sa iyang non-showbiz girlfriend . Matud pa niya nga pribado kaayo ang ilang relasyon hinungdan nga layo sila sa mga intriga.  Kontento usab karon si Albie sa dagan sa iyang showbiz career.

Special guests magbaha

Malipayong gipahibalo ni Coco Martin nga magbaha pa ang upcoming special guests sa serye niya nga Ang Probinsyano. Nasayran nga lain-lain nga dagan sa istorya sa higayon nga dunay guest sa maong serye.   Kanunay nga ma-extend  ang maong serye gumikan sa kakusog sa rating niini.

Leila nag-workshop na

Nagsugod na og workshop ang anak ni Ogie Alcasid  nga si Leila sa ABS-CBN.  Taud-taod na gyud nga gipangandoy ni Leila nga mahimong artista. Gipaabot nga molugwa kini puhon sa pipila ka mga show sa ABS-CBN.

Family dinner

Mainitong gidawat si Sam Concepcion   sa pamilya sa iyang girlfriend  nga si Kiana Valenciano.   Gipauban si Sam sa family dinner sa iyang girlfriend. Nagpahulagway usab kini uban sa ginikanan ni Kiana nga sila si Gary Valenciano ug Angeli Pangilinan .

Pag-unong

Gikuyogan ni Ronnie Alonte si Julia Barretto sa tambalanan sa miaging adlaw.  Giingong  napantok ang ulo ni Julia sa sawog hinungdan sa pagkalipong niini.

Jodi gihapon ang gusto

Gibutyag ni Richard Yap nga nagmalaumon gihapon siya nga makauban og balik sa proyekto ang kanhi niya ka-loveteam nga si Jodi Sta. Maria.   Ni-renew dili pa lang dugay si Richard sa iyang kontrata sa ABS-CBN.   Suma pa ni Richard nga komportable kaayo siya  kang Jodi gumikan sa mga nangagi nila nga proyekto.  (BANAT NEWS)