Sumawsaw sa away ng magsyota, grinipuhan
TUGUEGARAO CITY, Cagayan, Philippines - Nakikipagbuno kay kamatayan ang 30-anyos na magsasaka matapos itong gripuhan sa tiyan ng senglot na nobyo ng kanyang utol nang makisawsaw sa away ng magsyota sa kanilang bahay sa Barangay Namruangan, bayan ng Cabugao, Ilocos Sur kahapon ng madaling araw. Sa pahayag ni P/Supt. William Nerona, tagapagsalita ng Ilocos Sur PNP, isinugod sa Gabriela Silang General Hospital sa Vigan City ang biktimang si Victorino Paje habang nadakip ng mga pulis ang suspek na si Bryan Valle, 31, drayber ng traysikel. ?Pinaniniwalaang matinding selos ang nag-udyok sa suspek upang sugurin ang kanyang nobya na si Imelda kung saan gumawa ng iskandalo.?Ayon sa police report, tinuhog ni Valle sa tiyan si Paje nang tangkain nitong sumawsaw sa away ng magkasintahan.?Sa ngayon ay sising alipin si Valle sa loob ng kulungan matapos mahimasmasan.
- Latest