Boyles dili na moduwa pag-usab sa Star Hotshots

CEBU, Philippines - Ang kanhi PBA Best Import nga si Denzel Bowles mitug-an nga dili na siya moduwa pag-usab sa Star Hotshots sa Philippine Basketball Association.

Si Bowles miingon nga wala siya’y interes nga moduwa sa Star nga iyang gihatagan og   championship tungod kay  nahiubos siya sa management niini.

Niduwa si Bowles sa Star  sa  Commissioner’s Cup sa miaging tuig, apan human siya mananghid nga mouli sa Estados Unidos tungod sa suliran sa pamilya, wala   siya makabalik ug giilisan siya ni Ricardo Ratliffe sa nahabiling nga duwa sa conference.

Si Bowles nga kabahin sa koponan sa B-Meg Llamados nga mikampiyon sa 2012 Commissioner’s Cup, nag-average og 26.3 points ug 13.3 rebounds. Mitug-an si Bowles nga aduna na’y nahitabong negosasyon kaniya ug sa TNT KaTropa ug posible  moduwa siya sunod conference. (BANAT NEWS)