Ang iyang pagbakho
Dunay babaye nga gipadala nako tungod sa alegasyon nga siya nasudlan kuno sa dautan nga espiritu. Nagtabi mi sa makadiyot ug sa kalit iyang gisaysay ang mga kapaitan nga iyang nasinati gumikan sa pagsalikway mismo sa iyang kaugalingong inahan niya. Tungod niini nibakho siya kay nasinati niya nga siya biktima sa kapintas sa uban. Ning atong kinabuhi karon ug sa kultura sa basura ang tawo dili na man hinuon tahuron ug hatagan og bili. Kini tungod kay ang tawo nahimo namang biktima sa kapintas ug paggamit sa uban. Dili kita basura atubangan sa Dios may bili kita ug unta mao kini ang magdapit nato sa paghimo og maayo ug pagtahud sa uban.
- Latest