Brgy Lorega-San Miguel, Cebu City
“Ireklamo lang namo kining among silingan nga namuhi’g baboy diri sa Sitio Caimito kay nakamugna og baho, daghan na ang mga nasakit diri. Amo na man ni gireklamo sa City Health unya igo ra mihunong kadiyot, pero nibalik ra sab sila sa ilang pagpamuhi’g baboy bisa’g daghang silingan nga nahasol.”
Brgy Poblacion, Cordova, Cebu
“Nganong wala man gyud ni dakpa ang nag-operate sa swertres ug masiao diri nga naa ra man unta ang balay nila sa may plaza. Unsa kaha ang rason nga wala man sila pangdakpa?”
Brgy Jubay, Liloan, Cebu
“Diri sa Sitio Tiltilon naay magtiayon diha nga paryente sa opisyal namo sa barangay nga maoy coordinator sa ilegal swertres diri sa among lugar. Palihug intawon mi pagpamonitor niini sa mga polis.”
Brgy Babag 2, Lapu-Lapu City
“Human mapatik ang akong reklamo, naundang na ang paglabay sa mga basura sa open field luyo sa barangay hall, pero karon nibalik na man sab ug gipasagdan ra man sa kapitan.”
Brgy Mactan, Lapu-Lapu City
“Grabeha sa among mga opisyal sa barangay nga wala man gyud nila aksyoni ang problema sa lawom nga tubig sa karsada diri sa Sitio Angasil. Purhisyo kaayo sa moagi diri matag adlaw, labi na kadtong padulong sa Olango Island.”
Brgy Pulpogan, Consolacion, Cebu
“Naunsa na man ang among kapitan diri, wala man makapakita’g labok, hasta ang problema sa illegal drugs napasagdan na man lang. Daghan pa kaayo mga nalambigit sa illegal drugs diri nga wala pa madakpi.”
Brgy Paknaan, Mandaue City
“Kanus-a man intawon humanon pagtrabaho ang karsada padulong sa eskwelahan kay nahasol na gyud ang mga estudyante ug mga trabahante. Pwerte gyud kadagko sa lubak-lubak kay gisigehan ra’g buslot pero wala’y gitrabaho.”
Brgy Poblacion, Medellin, Cebu
“Among merkado diri kay halos dili na masabtan kay sa eskina gawas naay naninda, wala na sa sulod. Kun mao ni ang ilang buhaton sa mga manindahay wala gyu’y umento ang atong lungsod.”
Brgy Marigondon, Lapu-Lapu City
“Maayo unta nga mawala na ang sugalan diri sa among lugar sa Tonggo kay mga habalhabal driver ang kasagaran moapil. Ang tag-iya sa tindahan maoy nagpasugal diri, wala man badlonga bisan og klaro kaayong ilegal.”
Brgy Inayawan, Cebu City
“Mamalihug unta mi bahin niining karsada diri sa White Road kay daghan na og libaong, magpadaplin na lang gud ang mga sakyanan para malikay sa lubak-lubak.”
Alang sa mga reklamo text lang sa 09326425494
- Latest
