Ang buhaton kun bikogan (3)

Nia pa ang dugang buhaton o mga remedyo aron mahupay ang pamikog.

* Clove oil — Makapawala o makapahupay sab kini sa bikog nga imo lang ihaplas o ibutang nga patuhopon sa apektadong parte sa lawas.

* Stretching — Ang kadaghanan sa mga tawo nga nabikogan ang sagad nga madali nga buhaton nila mao ang pagkalma sa paunat o ehersisyo. Hinuon ang pag-unat (stretching) makaalibyo sab kini sa pamikog. Kay maablihan man niini ug makasirkular ang dugo, pinaagi nga himason o tandogon o unaton  ang presyor ug tension sa kaunoran ug kaugatan nga namikog.

* Vitamin-E —Daghan ang nahimong pagtuon niini nga ang Vitamin-E daghan sab nga kaayohan ang mahatag sa panglawas. Sa pamikog, girekomendar kini nga makapagana sa pagdagan sa dugo (blood flow), nga mopahimsog sa mga agianan niini (blood vessels), ngadto sa mga arterya nga kalikayan ang pamikog.

* Tubig— Ang kakulang og tubig sa lawas mao say sagad hinungdan sa bikog. Namad-an nga nanggahi ang kaunoran, dili na maunat (flexible) napug-ok, mao nga namikog nga dili na kalihok sa grabeng kasakit.

      * Pisil (pressure) —Nga iareya pagduot nga dunay pisil o presyor nga hapyoron ang apektado’ng parte nga nabikogan. Aron pagpahumok nga makasulod ang sirkulasyon sa oxygen ug dugo.

* Picle juice — Kinaham kaayo ni sa mga athleta sa ilang pagbansay-bansay ug sa aktuwal nga hugna sa kompetisyon, ang pag-inom sa duga niini kay kuno aron dili sila mabikogan. Giisip nila kini nga usa ka natural nga ‘endurance drink’.