Gusto nga kurihean ang entry sa titulo sa yuta

Dear Atty. Divine,

Duna ko’y pangutana labot sa Title sa akong property kay nasayop ang nabutang nga gidak-on niini. Instead nga 150 square meters nga maoy akong napalit, ang nabutang sa title kay 130 square meters ra man, so nakuwangan og 20 square meters.

Ang akong igsuon man gud ang nag-process niini ug nahibung ko kun ngano nga lahi man ang mi-appear sa Title. Unsay angayan nako nga buhaton aron makurihean ang Titulo sa akong yuta. Daghang salamat.

—Arlene

Dear Arlene,

Kun adunay entry sa Titulo nga imong ipausab, moagi gyud kini sa Korte kay magkinahanglan man ang Register of Deeds og court order alang sa pag-usab sa entry sa Title.

Ang imong buhaton mao ang pagduol og abogado aron ka makapasaka og Petition for Correction of Entry sa Title, sa iyang gidak-on from 130 square meters to 150 square meters. Imong i-attach sa Petition ang copy sa Deed of Absolute Sale ug any documents to prove nga 150 square meters gyud ang imong gipalit.

Mopahigayon og hearing ang korte niini ug kun maaprobahan sa korte ang imong Petition, mopagawas kini og Order ngadto sa Register of Deeds alang sa pagkuriher sa Titulo sa entry sa gidak-on sa imong yuta. Thanks and God bless! -Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang imong pangutana pinaagi sa akong column matag Miyerkules, Sabado ug Domingo.