Livelihood alang sa drug dependents

Liboan na ang mi-surrender nga drug dependents. Nagpasabot nga liboan na usab ang mibiya sa bisyo sa drugas. Sa ato pa, sayon silang nakabiya sa maong bisyo. Mas sayon kay sa pagbiya sa panigarilyo.

Ato ba nga masabot nga sa pag-surrender nila karong adlawa, pagkaugma dayon wala na sila moyupyop sa gidiling druga? Dili na sila drug addict? Ingon ba diay niini kasayon pag-lick ning maong bisyo?

Ug kining liboan nga mi-surrender, hain na man ug nag-unsa na man kini sila karon? Aduna bay nag-monitor kanila kun tinuod ba gayud nga mibiya na sila sa pagka-drug addict? Na-rehabilitated na ba silang tanan? Nahatagan ba sila og kapanginabuhian aron dili matintal pagbalik sa bisyo?

Sa Zamboanga City, nakapa-graduate na ang TESDA didto og kanhi mga drug dependents ug ang maong mga hingtungdan, nalipay kaayo sa mga livelihood skills nga ilang nakat-onan, sama sa pagpangluto.

Hinaot nga na-duplicated kini sa ubang dapit sa nasud. At least makaseguro kita nga dili na sila mobalik sa bisyo sa druga.

* * *

Maghisgot na pud ta’g panigarilyo. Giingon dinhi: Quit smoking; it’s never too late. Bitaw, bisan kun pila na ka tuig ang imong pagpaulipon sa sigarilyo, mahimo gihapon nga makabiya ka niini  … ug dili pa late ang tanan.

Ania kining report sa Department of Health (DOH): Ten persons die every hour – 240 deaths per day – in the country due to smoking. There are 17.3 million Filipino smokers – 48% are male; 9% are female.

Imagine, matag takna, napulo ka Pinoy ang mamatay gumikan sa pagpanigarilyo ug 240 ang mamatay matag adlaw? Apan, sa mga hinigarilyo gyud, ila lang kitang kataw-an kun ato silang awhagon pagpabiya na sa maong bisyo.

 Matud pa, mas sayon pa kuno biyaan ang asawa kay sa sigarilyo. Na hala! Unya, daghan na kaayong mga babaye ang manigarilyo. I don’t know what are they trying to prove? Ila pa kining pakapinan og inom.  Dugang niini, lakip ang atong kabataan, maayo na kaayong manigarilyo. Ambot asa ni sila og kuwarta nga ipalit sa sigarilyo. Pakilimos? Pangawat?

Giingon usab nga sa Southeast Asia, dunay 600 mil ka tawo ang mamatay gumikan sa exposure to second hand smoke. Kana ba nga makahanggap kita sa aso. Sa tibuok kalibutan, ang World Health Organization (WHO) mitaho nga 6 milyones ka hinigarilyo ang mamatay matag tuig. Makasanta sab hinoon ni sa population explosion.

So, there you are, akong usbon, quit smoking, it’s never too late.