Mga benepisyo ug risgo sa kape (1)

Sumala pa ang kape ikaduha sa tubig nga maoy halos giinom sa tibuok kalibutan. Segun sa ebalwasyon ni Dr. Rob van Dam, usa ka eksperto sa nutrisyon, nga ang pag-inom og 6 ka tasa sa kape -  wala kini kalabtanan sa mga resulta sa bisan unsang hinungdan sa kamatayon sama pananglitan sa kanser o kaha sa atake ug sakit sa kasingkasing nga sagad maoy madungog natong mga  reaksyons.  Di sab kita kabasul kay kulang man sila sa mga kasayuran.

Niya pa ang uban gusto likayan ang pag-inom sa kape ilabi na niadtong mga mabdos, hayblad o taas ang 'bloodsugar' (diabetic). Sa suhestiyon pa ni Dr.  Dam, kun gusto moinom og kape mas maayo kanang direkta lutuon ang kape (brewed coffee) nga gisala sa  paper filter susama sa pakete sa  teabag.

Aron mamenusan o makuha ang  chemical compound nga  capestol,  nga maoy maka-trigger sa pagtaas sa  LDL cholesterol. Suhetoa lang ang kapeng imnon.

Daghan nang nadiskubrehang mga benepisyong mahatag sa kape  nga hangtud ron padayon pa's pagtuon aron paghagpat og dugang kalamboan nga makuha diha sa pag-inom og kape.

Girekomendar nga kadtong nanginom og kape nga nagkasakit maoy ipukos ang pagtagad sa laing hinungdan niini sama sa hinigarilyo samtang magkape dili ganahan mokaon magkape na lang way paugnat o ehersisyo mga kinaon pulos  instant nga giproseso sa kemikals ug uban pang kontribusyon nga makapadaut sa kahimsog sa panglawas.

Ang kape makapahimsog kun ipahigayon sa igo nga pag-inom. Dili kay higupon lang nga nahimong adik sa kape. Way kalainan kini sa adik sa alkohol ug sa naungo sa paglaklak og drugas  nga makaguba sa undanon nga lawas.