Ang pilgrim passport

Niadto mi sa UST aron mobakasyon sa makadiyot, usa sa among gibuhat mao man ang pagsuroy sa mga simbahan didto. Among naadto ang Katedral ingon man ang sa Santo Domingo. Kuyog niini ang pagbuhat kun unsay gilatid diha sa pilgrim passport agi’g pagsaulog sa Jubilee Year of Mercy. Ang kinabuhi daw sama sa pilgrimage. Panaw kini sa pagtuo ug matag panaw dunay mga higayon sa paghunong.Kini ang hinungdan kun nganong nindot gyud ang mosuroy nga dunay tumong kay sa mosuroy nga way kapaingnan. Kini ang hinungdan kun nganong matag panaw angayan nimong pangandaman aron di mausik ang imong panahon labi na  ang imong kusog sa pagpangita sa kahulogan sa imong kinabuhi.