Brgy Ermita, Cebu City

“Ang mga mi-surrender nga drug pusher ug user puwede ba diay makabalik og pamaligya kay diri sa Sitio Kastelaan, naa may daghan. Magsige na lang gihapon og suyop unya apilan pa’g sugal, labi na sa hantak, prisuhon na lang unta ni og deretso para mahunong ni sila.”

 Brgy Tunghaan, Minglanilla, Cebu

“Salamat nga gihingusgan gyud ni Presidente Digong ang pagpuhag sa mga nalambigit sa illegal drugs, pero diri sa among lugar naa pa may daghang namaligya, wala man gyud mahadlok nga matikwang ni sila.”

 Brgy Cantipay, Carmen, Cebu

“Maayo ba ang gibuhat sa mga maestra diri sa eskuwelahan sa among lugar nga ang mga bata buhian nila lapas na alas 5 sa hapon? Mabalaka mi kay gabii na nga mauli ang mga bata ug usahay mauwanan pa intawon.”

 Brgy Punod, Pinamungajan, Cebu

“Moreklamo lang mi bahin sa karsada diri sa among barangay nga wala gyud atimana, gubaon na kaayo. Ang mga opisyal diri wala gyud magtagad sa mga problema namo diri.”

Brgy Pusok, Lapu-Lapu City

“Ako lang unta ipahibawo sa mayor nga naay nag-operate nga terminal para sa mga kolurum nga mga sakyanan. Wala gyud ni sila mabadlong kay naay traffic police nga protektor nila, sige’g dawat og payola gikan sa tag-iya ug sa mga drivers.”

Brgy Mactan, Lapu-Lapu City

“Ngano nga wala man gihapon masulbad ang ilegal nga drugas diri sa Soong 2 nga unta duol ra man ni sa police station?”

 Brgy Looc, Danao City

“Diri sa El Cantorio ang suba gihimo na lang labayanan sa mga sagbot, patay nga iro, unya naa pay tangkal sa baboy sa kilid puwerte gyung bahoa. Kuyawan mi nga mangasakit.”

 Brgy Babag, Cebu City

“Ireklamo nako kining mga tawo sa barangay hall, hasta ang mga polis nga nadestino diri, kay dili man motarong pag-atiman kun mosumbong mi nila bahin sa pipila ka reklamo. Dili gyud magkadimao intawon hangtod nga mahulog sa wa’y pulos ang among pagsumbong nila.”

 Brgy Calajoan, Minglanilla, Cebu

“Reklamo sa mga drivers sa PUJ nga nagbiyahean sa Minglanilla-Punta ug Naga-Punta kay dili na man molahos sa ilang rota diri sa Minglanilla kay adto ra sila kutob sa Tabunok. Maayo unta’g aksyonan dayon kini sa LTO aron mahunong ning binuang sa mga drivers.”

 Brgy Pulangbato, Cebu City

“Diri sa among lugar sa Dita naay daghang nagbuhi og baboy unya ang ilang mga hugaw kay adto paingon sa sapa. Hugaw kaayo, wala gyud nakabadlong ang mga opisyal sa barangay nga unta kahibalo sila nga daghang manglaba ug maligo sa sapa.”

 Brgy Poblacion, Cordova, Cebu

“Manghinaot mi nga makabasa ang among bag-ong mayor nga wala mi makauyon sa bag-ong rota sa mga multicab nga adto na man mi paagion sa luyo unya ang mga trisikad na man hinuon ang magbahisbahis sa highway. Luoy ang ubang pasahero kay magdoble na ang ilang gasto sa pletehan.

Alang sa inyong mga reklamo text lang sa 09326425494