Asa ang sakyanan mahibaw-an
Sa mga adunay sakyanan nga gimaneho sama sa motorsiklo, awto ug uban pa dili lalim nga matarantar kita kun malangan sa atong destinasyon gumikan sa grabeng trapik sa dalan nga wala ra bay laing kalakturan igo na lang ta sa pagpangawot sa tingkoy nga magpaabot anus-a motuyok paabante ang ligid.
Og unya usahay sungogon ta kun magdali nga duol na lang gani nga madala na'g baktas mapugos ta'g pangita asa ibilin nga may luna nga kaparkingan kay lagi may kasabot nga importante kaayo. Tuod man nakalingkawas sa kompromiso apan nalimot sab kun asa na kadto giparking ang sakyanan.
Mahimong nakasinati na sab mo niining sitwasyona apan karon sa tabang sa bag-ong teknolohiya matubag na ang problema nga makapanerbyos ilabi na'g bag-o pa lang naimpas ang 2-3 ka tuig nga dinatahay. Busa, ayaw pagtugot nga dili ta magtagad sa pagbaton niining gamay gadget nga digital tracker nga ginganlan og TrackR, nga ibutang lang sa keyholder o itago sa sud sa sakyanan. I-encode lang ang apps niini sa selpon nga Iphone o Android. Dinhi awtomatik mapangita nimo sa mapa diin nahimutang o naka-parking ang sakyanan nimo.
Barato ra ni kaayo tingali mag 2mil kapin ra mahal pang sakyanan apan ang benepisyo sa kalinaw sa panghunahuna dili usab kabayran og salapi.
Ang nakanindot niini puwede sab ni ibutang kun duna kay tagoong butang o sa binuhing mananap aron imong mamonitor kun asa o naunsa na kini.
I-google lang sa internet susiha ang mga detalye niini kay online order kini kun buot kang mosulay nga makabaton niini. Segurado nga dili na maugtas sa kabalaka kay mokompiyansa na man kitang magmalinawon ang panghunahuna.
- Latest