Ang remedyo sa prostate (2)

Ang unang remedyo nga nahisgutan sa ulahing lindog nato mao ang pulang kamatis nga tungod sa iyang nutrens nga lycopene nga kini naa sab sa ubang prutas ug utanon. Mas epektibo kun kini kaonon nga linuto, o sama nianang organic/natural  tomato sauce.

* Pomegranate (Granada) — Makatabang ni hupayon o hiyuson ang nihubag nga prostate nga kaonon kini o kaha moinom og juice niini. Mas maayo iapil ni permi sa pagbalanse sa atong pagkaon kada adlaw.

* Saw Palmeto — nahimong kontrobersyal kini nga gikasinahan dihang nisikat kini nga nag-unang nutrisyon o remedyo sa prostate  nga hangtud ron maoy daghang gitumar isip prostate diet supplement.

* Ginger (luy-ang yellow o ubang klase niini sama sa tapul orange (dulaw) —Napublikar sa  British Journal of Nutrition nga ang luy-a (zingiber oficinale) may katakos mopatay sa mga selyulang kanser samtang himsogon ang mga selyula sa  prostate.

Resulta kini sa kada adlaw nga pagtumar og  ginger extract, 100 mg sa matag kilo nga timbang sa lawas (gibase ni sa 150lbs katumbas sa 550mgs matag adlaw).

Nga sud sa 8ka semana nikunhod sa katunga ang  tumor sa  prostate. Ang mga  researchers nikalkulo nga 100gms nga kaonon ang preskong luy-a, mao gihapon ang resulta. Giisip ning tsampyon sa pagbatok sa kanser gilauman sab nga mas epektibo kining way sayd-epek nga nagsilbing usa ka  natural chemotherapy.

Hinagpat nato kini gikan sa artikulo ni Dr. Craig Stellpflug,  Cancer Nutrition Specialist, niya pa ang tubag sa malipayong kinabuhi mao ang  natural lifestyle.