In witness to the word
Padung na gyud human ang semester kasagaran sa mga bata ang nangandam na pinaagi sa mga reporting nga akong gihatag kanila. Maayo ang ilang reporting, daghan ang nangandam, daghan pud ang nihimo sa ilang tahas. Usa sa mga nakahatag nako og igong pagtagad mao si St. Joseph ang misyonaryo sa Tsina nga nasakit og tipos tungod sa iyang pagsilbi sa mga tiposon. Ingon ana kadako ang iyang gugma kanila nga wa siya magsapayan sa iyang kaugalingong kahimtang. Maingon nga si San Josemaria Escriva nagkanayon: "A priest has only duties and not rights". Maayo man ang mangalagad kun anaa ang husto nga suporta gikan sa imong mga kaubanan sa kawsa. Ang nahitabo usahay mao man nga ang pamaagi nahimong iya-iya ug dili hinugpong nga miresulta sa katag nga sistema.
- Latest