Brgy Talaytay, Argao, Cebu

“Amo lang ireklamo ang nagnegosyo og internetan diri sa among lugar kay pasudlon man nila bisan ang mga bata. Ang among mga anak dili na moderetso sa eskuwelahan kay anha na lang moduwa sa ilang internetan.”

 Brgy Guiwanon, Barili, Cebu

“Wala may drug lord nga nadakpan diri nga daghan man unta ang namaligya’g shabu. Makaduda man lang ta nga basin naay protektor nga polis o opisyal sa lungsod nila kay nganong wala man sila dakpa.”

 Brgy Poblacion, Tubigon, Bohol

“Ireklamo namo ang port terminal diri sa lungsod kay mahal kaayo ang ilang terminal fee, pero wala makaatiman kay puwerteng inita sa sulod. Luoy kaayo ang daghang pasahero kay panington og bugbog nga unta nagbayad man mig terminal fee.”

Brgy Dumlog, Talisay City

“Hangyo lang unta mi sa mga manguhaay og basura diri sa among barangay nga apilon sad unta nila’g kuha ang mga basura diri sa San Pio village kay nagtipun-og na intawon ang mga basura.”

 Brgy Punta, San Remigio, Cebu

“Grabe na gyud kaguba sa among karsada diri, wala man atimana sa gobiyerno, labi na sa mga opisyal sa barangay kay kuno last term na sila. Hala panglansar pa mo kay wala mo’y kapuslanan.”

 Brgy Marikaban, Sta. Fe, Cebu

“Maayo unta og ayuhon na ang karsada diri sa among lugar nga guba na kaayo tungod kay agian man sa mga dagkong sakyanan, labi na ang paingon sa eskina Mojon. Dugay na kaayo mi’g inantos niini nga wala gyud atimana sa mga opisyal.”

 Brgy Calero, Liloan, Cebu

“Ang kagubaon sa karsada mao gihapon ang among problema diri sa Sitio Tagaytay. Maluoy mi sa mga motorista kay daghan na nadisgrasya pero mga opisyal sa lungsod walay pagpakabana sa problema.”

 Brgy Lagtang, Talisay City

“May videokehan diri nga wala na masubay sa balaod kay bisa’g tungang gabii na, naa gihapo’y magsige’g kanta. Nakalapas sila sa anti-noise ordinance. Naa kini mahimutang sa Sitio Hollowblock. Maayo unta og mabadlong dayon ni kay hasol kanamo nga momata pa og sayo sa buntag kay motrabaho.”

 Brgy Sambag 2, Cebu City

“Daghan man unta ang nalambigit sa ilegal nga drugas diri dapit sa may B. Rodriguez street pero ngano nga naa pa man gihapon ni sila diha, wala man gyud ni sila dakpa para masilhig na kining mga sagbot sa katilingban.”

 Brgy Alang-Alang, Mandaue City

“Hangyo unta mi nga trabahoon na kining walay tabon nga mga manhole diri sa dapit sa Liong ug Burgos Street. Kuyaw kaayo sa mga bata nga mabulasot, labi na kun gabii.”

Alang sa mga reklamo text lang sa 09326425494