Ang remedyo sa prostate (1)
Bisan tuod nga duna nay daghang paagi sa pagtambal mahitungod sa mga problema sa prostate, sama sa surgery, radiation therapy, chemotherapy, vaccine treatment ug uban pa. Apan kun dili pa ni grabe pwede hatagan ni's doktor og antibiotic sama sa finasteride, beta-blockers, tambulosin ug ubanpa.
Mga medikasyon kini sa pagpugong sa unsa may kakulian sa prostate, apan dili sab malikayan ang mga side effects niini. Sa surbi, 1/3 sa tanang klase sa sakit nga kanser ang pagkaon maoy unang hinungdan niini. Sa gihimong komparasyon didto sa America mas komon ang prostate cancer, kay mahiligon sa karne nga kun ikompara sa China ug Japan menus ra ang risgo sa kanser kay mga vegetarian man sila. Ang prutas ug utanon gituhoang makapamenus sa tsansang makanser kay nagbaton ni'g daghang anti-cancer nutrients.
Ang vitamin-D3, gituohan sab nga maoy paglaum nga epektibong tambal sa prostate cancer, apan naa pa ni sa laboratoryo padayon pang gitun-an. Bisan naandan na ang mga medikasyon niini sa operasyon ug sa radiation gisugyot nga mas maayo sab modangop sa mga healthcare provider o uban pang natural treatments o bisan sa mga nutrition expert. Nga dili maalkontra ang medikasyon kun dili aron kapugngan ang mga side effects sa mga tambal.
Sa mga natural nga remedyo nasulayan nang kini makatabang sa pag-ayo sa prostate, sama sa mga mosunod;
* Pulang kamatis — nagbaton ni'g super nutrients nga lycopene, nga sagad naa ni's ubang prutas/utanon. Santaon o pahiyoson bisan kini anaa na sa estado nga prostate tumors, wa ni mga side-effects mas maayong lutoon.
- Latest