Pagpalig-on sa partido

Pagkapilde ni US Senator Sanders sa iyang tinguha nga mapili unta nga presidential candidate sa Republican party, siya namahayag nga dili siya mo-support sa kandidatora ni Donald Trump, kun dili, maoy iyang suportahan ang Democrat nga si Hillary Clinton. Apan wala siya mobalimbing, nagpabilin siya nga Republican. 

Karong bag-o, ang campaign manager ni Trump, si Paul Manfort mi-resign apan, sama ni Sanders, wala usab mobalitok pagka-Democrat.

Nagpasabot nga wala sa diksyonaryo sa political system sa America ang pagbalimbing o pag-ilis-ilis og partido.

Dinhi sa atong nasud, mao ra og usa ka dako nga necessity ang pag-ilis-ilis og partido maoy hinungdan nga tapus sa matag presidential election maglumba dayon ang atong mga halangdong sakop sa kongreso pagbalitok ngadto sa partido sa bag-ong presidente.

Gumikan niini, mawala ang pagka-equal sa gahum sa mga departamento sa executive ug legislative, ug dili na mo-function ang checks and balance sa bureaucracy.

Sa ako na nga gihisgutan dinhi, kahinumdom ko, dugay na kaayo, nga dunay gipasaka sa kongreso, ambot sa Lower House ba to, o sa Senado, ang Anti-Turncoatism Bill.

Walay nahitabo niadto. Understandably, ngano nga magpanday man tuod sila og balaod nga masupak ug makabalda sa personal nilang mga tinguha ug ambisyon?

Unta, kun pag-alagad lang gayud sa lungsod ang ilang mga agenda, makapanday man sila’g mga balaudnon nga makahatag og kaayohan sa lungsod, bisan kun dili sila mag-ilis og partido.

Dinhi sa ato, kinahanglan mahisakop ka sa partido sa presidente. Nagpasabot nga walay bili ang partido, hinungdan nga sama ra nga mag-ilis ka’g medyas o kurbata. 

Ang mga partido usab, walay ideologies, walay klaro nga baruganan ug prinsipyo nga mao untay sagupon ug sandigan sa mga magpasakop niini. Maoy hinungdan nga sayon ra kining biyaan ug isalikway. Gihimo lang kini nga mga duwaan (toys) sa atong mga politiko.

Ang tumong sa Senate Bill 226, titled Political System Act nga gi-file ni kanhi Senate President Franklin Drilon, mao ang pag-establish og true party system, diin matud ni Drilon: “It’s about time we passed a measure that will institutionalize and strengthen political parties as pillars of the country’s democratic system.”

Ang balaudnon ni Drilon mag-promote sa party loyalty (wa na ni karon), party discipline, ug adherence to ideological principles, platforms, and programs.

Unsaon pag-adhere nga wa may ideology, prinsipyo, plataporma ug programa ang atong mga political parties?  Kun duna man, kutob ra sa papel. Atong huwaton unsay reaction sa atong mga magbabalaod niini, kun mosugot ba sila nga dili na makabalimbing.