Walay hisgot sa SSS pension

Gumikan sa kadaghan sa mga concerns nga gibatbat ni Presidente Digong Duterte sa una niya nga State of the Nation Address (SONA), mura’g nataligam-an niya ang iyang gisaad nga idayon ang paghatag sa P2,000 nga usbaw sa pension sa SSS.

Okay lang, gumikan sa kabug-at sa mga suliran nga ato karong giatubang, sama sa gidiling druga, kriminalidad, kurapsiyon, ug nagkagrabe nga kawad-on, mahimo nga isalindot lang una ang kahimtang sa mga SSS pensioner.

Less priority. After all, kapin ra man sa 2.15 milyones ka SSS pensioner ang na-involved niini. Ug lagmit mituo ang Palasyo sa kahadlok sa kadagkoan sa SSS nga kun ihatag ang maong usbaw, tingali’g mabangkaruta ang SSS.

Apan, ang mga sakop sa Kongreso nga mipirma sa balaudnon nga mag-usbaw sa pension, wala makombinser nga kahutdan sa kuwarta ang SSS kun usbawan ang SSS pension.

Una sa tanan, sa ato na nga gihisgutan dinhi, dili gayud mahitabo nga mabangkaruta ang SSS tungod kay una sa tanan, tulobagon kini sa kagamhanan sa Pilipinas, sumala sa charter sa SSS nga nagkanayon:

“The government of the Republic of the Philippines accepts responsibility for the solvency of the SSS. The government shall regularly appropriate the necessary funds to augment SSS funds & benefits.”

So, nganong mabangkaruta man ang SSS nga paluyohan ug panalipdan man kini sa Republic of the Philippines?  Sa ato pa, kun mo-subsidize ang gobiyerno sa mga GOCCs, kon government owned and controlled corporations, nganong dili man ma-subsidize ang SSS?

Ug sa atong nahisgutan dinhi, ania ang mahimong tinubdan sa pundo sa SSS: 1) P325B collectibles. 2) Cut back exorbitant SSS expenditures (2014 COA figures:  P117-M in salaries & allowances alone). 3) Idle assets/properties valued at P17.956-B: 102 condo units in 7 condo buildings; 44,000 square meters of store/office spaces; 16 houses; 169 parking lots. 4) P8.168 billion unremitted employer contributions. 5) P61.226 billion ageing unpaid loans. 6) P7.8 billion gahin gikan sa P3 trillion national budget. Mabangkaruta kaha ang SSS, Mr. President?

* * *

Niay sugilanon: Usa sa mga buotan nga elderly American couple, nagkadungan pag-atubang ni San Pedro, na-Langit ang duha. Of course nindot kaayo ang Langit – walay problema sa trapiko, walay adis-adis, walay vigilante killings, walay mahirap due to corruption, basta ang tanang kabuang nato dinhi wala didto.

Ang malipayon nga bana misukmat sa iyang asawa: “Darling, I could have been here two years ago if you hadn’t fed me well.”