Amahan namo

Mao kini ang bugtong pag-ampo nga gitudlo sa atong Ginoo. Pahinumdom kini nga ang Dios atong Amahan, amahan nga maantigong mohatag ug mohunahuna sa daghanan natong panginahanglan. Kini tungod kay Dios siya nga personal ug suod. Dios siya nga maantigong mobati, Dios siya nga dunay dakong pagtagad kanato. Mao nga sa matag higayon nga atong ampoon ang Amahan Namo kita gipahinumdoman nga ang kabubut-ong Diosnon labaw, hingpit ug pinasikad sa gugma usab niya. Nga sa ato pa kabubut-on sa Dios ang bisan unsa nga makaayo nato.