Giimbestigar tungod sa pagsige’g absent

Dear Atty. Flores,

Usa ako ka BPO agent sa usa ka dakong kompaniya dinhi sa Sugbo. Duna lang ko’y pangutana may labot sa akong status karon kay posible man gud ko nga i-terminate tungod sa akong mga absences.

Actually, ila na nga gi-call ang akong atensyon sa nangaging buwan and I was sanctioned before for the same issue. I’m doing my best to improve myself, but still they haven’t notice it. For the third time, ila na sad ko nga gipatawag for a hearing, same violation.

If my employer will terminate me, mahimo ba ako nga mopasaka og kaso batok sa kompaniya? Unsa man nga kaso ang akong i-file? Naka-feel man gud ko nga ang akong supervisor is taking it personally against me. Hope you can help me. Thanks.— Nilo

Dear Nilo,

Ubos sa atong Labor Code, ang employer adunay katungod nga motaktak sa ilang trabahante basta adunay lig-ong basehanan. Usa sa mga grounds sa pagtaktak og empleyado anaa sa Article 282 nga diin gilatid niini ang lima ka grounds sa pagtaktak sa empleyado, ug kini naglakip sa “Gross and habitual neglect by the employee of his duties.

”Kanang imong pagsige og absent makonsiderar kana nga pagpabaya sa imong responsibilidad sa trabaho ug gani ikatulo na kini nilang reklamo. Apan ang employer kinahanglan gyud nga mo-observe sa “due process” sa dili pa sila motaktak sama sa pag-conduct og investigation, paghatag og higayon kanimo sa pagtubag sa ilang pasangil ug sa pagpahibawo nimo sa unsay resulta sa ilang imbestigasyon ug sa posibleng silot. Kun pananglit gi-single out ka kay giinitan ka sa imong supervisor, ang inyong records mismo maoy mopamatuod niini kun nagsige ba gyud ka og absent ug kun duna bay basehanan ang imong supervisor.

Ang maayo nimong buhaton mao ang pagpresentar og mga ebidensya pagmatuod nga nagtarong na ikaw sa imong trabaho ug wa na gyud ka magsige og absent. Kun ila kang gitaktak nga wa hatagi og due process, then mahimo ka nga mopasaka og kasong “illegal dismissal” ngadto sa NLRC. Thanks and God Bless!- Atty. Divine