Gustong ilisan ang pangalan sa birth certificate

Dear Atty. Divine,

Usa ako sa magbasahan sa imong column online ug nanghinaot ko nga matabangan ug malamdagan ako kabahin sa akong legal nga problema. Una, ganahan unta ko nga i-change nako ang akong first name tungod kay dili gyud siya presentable ug ridiculous gyud kaayo. Mauwaw ko sa akong name ug makawala gyud siya og confidence. Unsay akong una nga buhaton? Moagi pa ba ni sa korte ang pag-change og first name? Pila kaha ang akong magasto ug unsa kadugay kini siya mahuman ang proseso? Ug kun ma-change man gani ang akong first name sa birth certificate, unsay mahitabo sa akong mga current valid IDs ug licenses? —Mr. Confused

Dear Mr. Confused,

Kun ang first name lang nimo ang imong usbon mahimo kana nga imong i-file sa Local Civil Registrar diin ka marehistro. Ang Local Civil Registrar adunay listahan sa mga dokumento nga kinahanglan nga imong i-submit kanila uban sa imong Petition sama sa NBI clearance, Police Clearance, Court Clearance ug mga proof or legal documents nga mopamatuod nga kanang imong first name nga gustong ihulip sa imong pangalan sa Birth Certificate mao na nga pangalan ang nailhan sa inyong lugar ug maoy gigamit nimo sa imong mga transaction. Ang filing fee niana P3,000 apan aduna pa kay bayran nga Publication Fee.

Di ko kahatag nimo og gidugayon sa proseso kay i-forward pa man gud na sa Local Civil Registrar ang imong Petition ngadto sa Manila, but more or less molungtad na in less than a year. Kun mausab na ang first name sa imong Birth Certificate, ipausab na usab ang imong mga ID pinaagi sa pag-submit kanila og Birth Certificate gikan sa NSO nga diin napatik na ang kausaban sa imong first name. Thanks and God Bless! — Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.