Sa kilat ug dugdog

Nahapugwat ako sa akong pagkahinanok sa dihang nikilat og dugdog. Uwan na diay ug imbis mahadlok sa gabiing dako akong gibuksan ang pultahan sa akong lawak ug akong gitan-aw ang kusog nga bunok sa uwan nga maoy mihumod sa mga seedlings nga gipangluyong sa yutang bakilid. Nalipay ko kay mabuhi na pud ang dakit nga ako mismo maoy nagpatanum. Sa kinatibuk-an angay lamang nga kini saulogon nato sa gihapon kay ang mga pag-ampo alang sa uwan gidungog na gyud tawon. Ang kinabuhi usahay bation og kauga. Mao nga kinahanglanon kaayo ang bisibis sa grasyang Diosnon aron mamahimo kitang matabunok sa Diosnong panalangin ug ang atong katabunok maoy magtabang kanato aron makahatag og kinabuhi sa uban. Pasalamat nga dunay uwan ug himong pauwanon mo unta ang gugma ngadto kanila nga nagkinahanglan niini.