Ang pagkontrol sa bloodsugar (1)
Sumala pa sa mga pagtuon, nga gilangkuban sa 140,000 ka tawo, ang tsansa nga may kinamenusang risgo nga madebelop ang diabetes, 21 % o mas ubos pa, kay sa niadtong wala mosunod sa ‘medeteranian diet’. Sagad sa mga pagkaon niini mao ang mga utanon, lagutmon, prutas, isda, wholegrain (bugas), gatas, karneng manok, apan dili kanang ‘red meat’ sama sa karneng baboy, butter ug mga pulos tam-is. Ang mga nutreyens sa tanom (phytonutrients), ug mga lanot (‘fibers’), makatabang kini sa pagkontrol sa ‘bloodsugars’, ug ang ‘olive oil’ sa pagsanta batok sa implamasyon.
Ang pagkao’g ‘anthocyanins’ nga naa sa ubas (grapes) ug sa mga ‘berries’, ang pula ug blue nga kolor ini, maoy naghatag og maayong lebel sa ‘bloodsugars’. Segun sa pagtuon sa mga britano, nga ang 1ka buok sa ubas, katumbas sa 1ka punto sa pagmenus sa ‘bloodsugars’ sa lawas, matud pa ni Aedin Cassidy sa Norwich Medical School.
Kun kanunay kang dili mokaon sa pamahaw, kalagmitan makapataas kini sa ‘bloodsugars’. Ang pamahaw makatabang nga mamintin ang ‘bloodsugars’ sa tibuok adlaw. Busa andama sa pamahaw permi ang maayong protina, ang ‘complex carbo’s sama sa ‘oatmeals’ o tinapay nga ‘wholewheat’ ug ‘good fat’ sama sa ‘yogurt’ nga sinagola’g prutas ug mga mani (nuts). Kini sumala pa sa nadiskubrehan sa mga eksperimento sa University of Minnesota.
Ang mga babaye nga nag- ‘cardio exercise’(2 1/2ka oras) ug ‘strenght training’ (pakusog o paunat)sud sa 1ka oras, kada semana, maoy menus nga risgo sa diabetes. Kay ighuman sa ehersisyo, ang mga masol o kaunoran (muscles), mas daghan ang magamit nga ‘glucose’ gikan sa mga agianan sa dugo. Kun aktibo ang lawas, sensitibo kaayo ang mga selyula sa ‘insulin’.
- Latest