Ang bata nga kanako nibaka...

Duaw pamilya kadto mao nga kuyog sa akong mga batos namisita mi og balay sa may Bagacay. May cute nga bata nga sa unang higayon di gyud moduol nako. Gihatagan ko og tubig mainom ug ang maong bata akong gipadimdim... tuod man nidimdim siya ug ginamit ang iyang tsopon lingaw kaayo siyang mituslob niini sa akong baso nga gigamit kuyog ang bahakhak nga nawong ko nabasa sa tubig nga mabugnaw... gibuyag siya sa iyang mama apan akong giingnan nga pasagdan lang kuyog niini ang pag-obserbar sa bata nga nagkatawa. Ang bata sanglitanan sa tinuod nga kalipay... way mga pulong nga molibkas sa ilang baba apan seguro ko nga sila makatudlo kanato sa dalan padung sa kalipay nga hilabihan. Dili sama natong mga hamtong nga tungod sa naghinobrang pormalidad mamahimo kitang di na hinuon malipay sa mga yanong panghitabo sa kinabuhi nga tungod niini mag-aginod na nuon kita diha sa atong panaw sa kalinaw. Ang mga ginagmay nga buhat sa kaayo dako kaayo og ikatabang aron mamahimo kitang malipayon. Matud pa ni Sophocles: Kindness begets Kindness.