Breviary
Niuli ko sa amo kay dugay nakong wa kauli ug natulog didto. Mao nga sa dihang nisaka ko sa taas akong nakita ang akong breviary courtesy ni Mam Teresa sa Demedex. Ako kining giukban ug nakabantay ko tuod nga taud-taud na gyud diay kining wa na magamit pa. Giawit ko ang Morning Has Broken isip himno niadtong adlawa ug bisan usahay di motuhop sa kasingkasing akong gibasa ang matag salmo sa pamasin nga mamahimong makahuloganon ang pag-ampo. Ug wa na koy masulti pa... kini kay nahimong bisan asa motugpa ang hunahuna. Apan usa lang ang mensahe ug kini ang pagbaton og awareness ug husto nga pagsabot nga ang pag-ampo di lang diay mahitungod sa breviary kon dili kun unsay nahitabo sa imong kinabuhi human nimo kini basaha uban sa mapamalandungong kasingkasing.
- Latest