Tentasyon

Sa among klase sa REED 20 among gihisgutan ang kalabut sa tentasyon ug unsay kalambigitan niini sa Kwaresma. Usa sa akong mga estudyante nagkanayon nga dili sala ang tentasyon apan kahigayonan sa pagpakasala. Ug di kay mahitungod lang kini sa sala hinunoa, mahitungod usab kini sa pagpadayag sa atong pagkamatinud-anon ngadto sa Dios sanglit ang pagpakasala mao man ang tinuyoang pagpalayo gikan sa Dios. Mahimong buhaton kini ni bisan kinsa. Ang yawa nitanyag sa hinanaling gratification sa matag binuhatang hiwi apan kun ang tawo nakapunting lamang sa hinanaling katagbawan unsa kahay mahitabo niya kun ang maong katagbawan mamahimong urom sa kahasol ug ka walay kapaingnan. Dili lang kini mahitungod sa paglapdos sa kaugalingong lawas aron magpenitensiya kun dili mahitungod kini sa dako ug bug-at nga hukom sa pagbag-o sa kaugalingon dili lang panahon sa kwaresma kun dili sa tanang adlaw sa atong kinabuhi. Kuyog niini ang pagpakita sa atong pagkamatinud-anon sa Dios pinaagi sa paglingiw sa bisan unsang haylo nga magdala kanato sa kaalautan.