Remedyo sa sakit sa atay (2)

Sa miagi'ng lindog, gihisgutan nato nga adunay 3ka  ang-ang (stage) kun masakit sa atay. Ang una ini mao ang, 'fatty liver' nga nidaku ni tungod sa naghinubrang carbo's o asukar nga na-convert kini'ng 'fats' sa atay. Mao'ng maluya na's iyang trabaho sa paghingilin sa toksik ug pagtabang sa paghilis sa mga kinaon. Karon, ipadayon nato ang ikaduha'ng ang-ang sa sakit sa atay.

(2) Hepatitis — Implamasyon na kini sa atay, nga aduna sa'y 4ka klase ni- Hepa A,B,C,D, pulos kini mga 'virals'.  Ang hepa-C, maoy nikuyanap ron nga mas labaw pa sa HIV-Aids. Sagad sa hinungdan ini mga ' virus' apan di tanan, naa sa'y uban tungod sa mga toksik ug abuso sa pagkaon ug pagka-adik sa alcohol.

Maremedyohan pa ni kun magbag-o sa estilo sa kinabuhi mo, matud pa's mga eksperto ini. Hinuon aduna pa ni dagha'ng natural nga remedyo apan gipili ko lang ang nailang epektibo ug nga kini anaa sab sa atong merkado:

* 'Ling-zhi' (Ganoderma Lucidum) — Usa ni ka klase sa ohong (mushroom), nga makaayo para sa 'Hepatitis'. Gika-'capsulized' ni, nga ang dosage gikan sa 2-10 ka gramo kada adlaw.

* 'Milk Tistle' (Silibum Marianum) — Usa ni ka sagbot sa Australia, Amerika ug Uropa, nga naila nga labing epektibo sa 'Hepatitis'. Kini sab ang adunay kinadaghana'ng nahimoa'g mga pagtuon ug pamatuod gumikan sa subsob nga pagsulay sa masakiton og atay. Nagbaton ni'g  'polyphenols compounds'  nga dasok o potensyal sa 'silymarin', nga epektibo makapa-alibyo sa 'hepatitis'.