Brgy Pajac, Lapu-Lapu City

“Diri sa Abuno, atbang g’yud sa Celias Guitar adunay poste nga katumbahon. Maayo unta’g maaksyonan dayon kay kuyaw nga makadisgrasya.”

Brgy Talamban, Cebu City

“Wala man g’yud mabadlong sa CITOM ang mga drayber sa habal-habal sa eskina Tac-an duol sa Sunny Hills Subdivision nga magpatunga na man sa karsada ug maglisod na pag-agi ang mga sakyanan.”

Brgy Bonbon, Cebu City

“Wala g’yud ayoha ang karsada diri sa Sitio Biasong. Lapok kaayo kun mag-uwan ug luoy kaayo ang mga estudyante nga mangagi kay magkahugaw g’yud. Maayo unta’g masemento na kini kay dugay na ni nga problemaha.”

Brgy Tabunok, Sogod, Cebu

“Nagsige ra man og saad ang among kapitan nga ipakural niya ang tennis court sa Sitio Ibabao pero hangtud karun wala pa man gihapon.”

Brgy Canduman, Mandaue City

“Ang dalan namo diri puwerte na man g’yud nga gubaa ug naa pay tubo sa tubig nga nabuslot nga moresulta na hinoon sa pagbanaw sa tubig. Maluoy mi sa mangagi kay mabasa intawon kay mapiksan.”

Brgy Libertad, Bogo City

“Ang aspaltado namo nga karsada diri giguba unya wala man ayuha pagbalik. Kanus-a man kaha ni mahunahunai pagtrabaho kay dugay na kaayo ni nga giantos namo nga problemaha.”

Brgy Bato, Toledo City

“Paeta, miuso na man ‘sab ang pagpangawat og mga hiniktan nga manok, binulig nga saging ug uban pa diri sa among lugar. Wala man g’yud masumpo sa mga polis ug mga opisyal kun kinsa ang kawatan. Halos kada gabii naay kawat diri.”

Brgy Tawason, Mandaue City

“Diri sa among lugar kay ang hinugas sa guso ari man ihuwad duol sa among gipuy-an! Baho kaayo! Unta aksyonan na kini sa mga opisyal kay midagsang na ang mga langaw.”

Brgy Bitoon, Dumanjug, Cebu

“Grabe’ng bahoa sa tae sa baboy sa among kanal diri tungod aning among silingan nga namuhi’g baboy. Wala g’yud ni atimana sa among mga opisyal.”

Brgy Bacayan, Cebu City

“Kuyaw nga mahugno ang mga tampi sa sapa diri tungod sa pagsige’g panguha’g bas. Moabot g’yud ang higayon nga matumpag ang tampi sa sapa kun dili masumpo ang padayong pagpanguha’g bas.”

Brgy Sac-Sac, Consolacion, Cebu

“Bati kaayo ang karsada diri sa among lugar paingon na sa lungsod. Wala ‘sab pang-ayoha ang mga pundir nga suga mao nga ngitngit kaayo sa gabii gikan diri sa among barangay hangtud na sa Brgy Cabangahan. Maayo unta’g molihok na ang mga hingtungdang opisyal.”

Alang sa inyong mga reklamo text lang sa 09062973166.