Ang pag-retire

Ato kini nga hisgutan pag-usab ang giingon nga ang retirement is good for our health kuno.

Kay inig-retire kuno nato, mahuwasan kita sa tanang mga pressure nga related sa atong trabaho. Sa ato pa, maka-relax na kita. Mawala na ang 8:00-12:00 ug 1:00-5:00 nga pressure.

Niay gikan sa Internet, giingon dinhi nga ang “retirement effect on health is beneficial and significant.” Resulta kini sa mga pagtuon nga gihimo sa The Journal of Human Resources.

In my case, for instance, dili na ko kinahanglan momata og sayo; kun momata man, at least dili na kinahanglan mobangon dayon.

Mao kini ang giingon sa usa ka babaye nga retired justice. “I’m no longer a slave to the clock.” Dili na ulipon sa relo kay sa nagtrabaho pa kita, kanunay kita nga magtan-aw ug mag-agad sa relo.

Dugang niini, ang pag-retire makahatag kanato og igo nga higayon pag-pursue sa atong mga tinguha pagpalambo sa atong panglawas, nga dili na mabalda sa trabaho. Giingon dinhi nga “we will have more time to be physically active,” sama sa pag-exercise, ug pagtininuod sa tinguha pag-undang sa panigarilyo. Kun ma-regular na ang imong pag-exercise, ug makahigayon na pagbiya sa sigarilyo, kay lagi, anaa na kanimo ang tanang panahon, ikaw na ang magbuot kun mag-unsa ka, mosangko kini sa pagpalambo sa imong panglawas.

Mao ni ang giingon dinhi nga: “Retirement is good for your health.” Matud pa: “One can have more time to be physically active, as exercise and other fitness-related activities, aren’t hampered by the work week.

Retirement can also make it easier to quit bad habits such as smoking, as daily work stress can often make people reach for cigarettes.”

Atong masabot dinhi nga gumikan sa atong pag-retire, mawala gikan kanato ang stress, nga kun dili na ma-stressed ang tawo, mosangpot kini sa pagpalambo sa atong panglawas. Kana, kun dili ka magtinapulan, ug kun gipangandaman nimo ang imong pag-retire. So, uyon ako niini nga giingon dinhi nga retirement is good for our health. Ikaw, komusta man ang imong mga retirement days?

* * *

Atong nasayran gikan sa Philippine Health Insurance Corp. (PhilHealth) nga mga usa ka milyon ka senior citizens ang wala pa makapa-enroll sa PhilHealth, aron makapahimulos sa mga libre nga medical services. Ang RA 10645, nag-provide for a mandatory PhilHealth coverage sa tanang senior citizens, dili ang mga indigents lang. Apan, una sa tanan, kinahanglan magpa-enroll sa PhilHealth. Ato ni’ng buhaton.