Brgy Cubacub, Mandaue City
Brgy Cubacub, Mandaue City
“Diri eskina dapit sa gym kay daghan na kaayo lubaklubak ang karsada ug magsige na lang og likay ang motor ug ubang sakyanan. Kuyaw kaayo sa disgrasya. Maayo unta’g mahimoan ni’g aksyon.”
Brgy Lawaan, Talisay City
“Kanang mga traffic enforcer nga nag-control sa eskena Lawaan ug sa SRP anha ra man sa sidewalk mangihi ug baho kaayo kun mangagi ang mga tawo. Grabe g’yud kaangso.”
Brgy Poblacion, Danao City
“Mamalihug unta mi nga mabadlong na ang ilegal parking sa mga tricycle atbang sa Philippine National Bank kay luoy kaayo mi’ng nagparking sulod sa terminal kay gamay na lang kaayo og kita. Adto na man mosakay nila ang mga pasahero.”
Brgy Banilad, Cebu City
“Hangyo mi sa mga polis o sa taga CITOM nga unta badlungon nila ang mga dispatcher atbang sa UC-Banilad kay grabe na kaayo makapangayo’g kuwarta sa mata’g PUJ. Kada agi namo P10 g’yud ang pangayoon. Luoy kaayo mi nga mga driver kay samot kagamay ang among kita. Kun dili hatagan masuko unya hulgaon dayon mi.”
Brgy Punta Princesa, Cebu City
“Kining poste sa VECO #V0445104 naa dapit sa Lourdes Village kay maglima na ka buwan nga wala magsiga. Naay panahon nga mosiga kadiyot pero mapawong ra pud dayon . Amo na ni nga gireklamo pero wala pa man g’yud lihoka.”
Brgy Punta Engaño, Lapu-Lapu City
“Unsa’y maayo namo’ng buhaton sa mga estambay diri sa among lugar kay kami’ng mga driver sa tricycle gihimo na man nila’ng gatasan. Luoy kaayo mi kay kun dili ‘sab mi mohatag baharan man sad mi nga dunay mahitabo namo.
Brgy Hipodromo, Cebu City
“Kini’ng eskina padung sa among barangay grabe ka-traffic. Duna unta’y duha ka tanod nga gitahasan pagpahapsay sa trapiko halos man dili molihok. Paspas ra man sila mopatunga kun ang sakyanan sa mga opisyal sa barangay nga moagi pero kun lahi gani pasagdan ra man nila mao nga mabara ang mga sakyanan.”
Brgy Bayong, Balamban, Cebu
“Kining karsada namo sa Sitio Amaga mahatagan unta og aksyon sa hingtungdan nga ahensiya sa gobiyerno kay naputol na man ang padung sa transcentral highway. Daghan na nga mga motor ang nadisgrasya kay hangtud karun wala pa g’yud mapaayo nga taudtaud na man unta ni’ng naguba.”
Brgy Daan Lungsod, Tuburan, Cebu
“Reklamo mi diri sa Sitio Cotcot kay ang among karsada lisod na maagian kay gipangparkingan man og mga motor. Samot na kun mag-uwan kay puwerteng dangoga sa agianan. Unta mahatagan ni og pagtagad sa among mga opisyal.”
Brgy Apas, Cebu City
“Amo lang ireklamo ning mga mag-parking nga sakyanan diha sa agianan padung sa GMA-7 Complex kay hasol kaayo sa mga sakyanan nga moagi labi na kun dunay laing sakyanan nga kasugat. Hangyo mi nga mabadlong na sila kay illegal baya kana’ng ilang gihimo kay kinahanglan baya nga duna kay grahe basta naa kay sakyanan.”
- Latest
