Fire prevention ipadayon
Pormal na nga gitak-opan ang Fire Prevention Month 2015 observance sa Bureau of Fire Protection Region 7.
Kini pinaagi sa usa ka culminating program nga gipahigayon niadto’ng Marso 26. Ang guest of honor and speaker sa maong programa mao si Cebu City Councilor Eugenio Gabuya Jr.
Sa iyang mensahe, si Konsehal Gabuya mipasalig nga andam ang dakbayan sa Sugbo nga mopaluyo ug mosuporta sa mga programa ug kalihokan sa atong kabomberohan.
Sa maong programa, gihatagan usab og mga premyo ang tanang mananaog sa drawing, essay, poster ug singing contest. Apan angayang mahibaw-an nga bisan pa nga gitak-opan na ang fire prevention month observance, wala kini magpasabot nga morelaks na atong kabomberohan sa kampanya sa fire prevention.
Mas subsob pa hinuon ang atong mga kalihokan ilabi na nga nagsingabot na ang Semana Santa. Alang sa mga mobiyahe og dugay timan-i kining mosunod:
1. Isiguro nga ang tanang dekuryente’ng appliances naibot sa saksakan ug mas labing maayo ug palungon ang plangka.
2. Isiguro nga sa pagbiya sa panimalay wala’y nagpabiling nagsiga nga lampara o kandila sa atong mga altar.
3. Angay nga ma-check nato ang atong LPG hose and regulator kun wala ba kini leak.
4. Kun mahimo nga dunay mahabilin sa panimalay mas labing maayo. Pipila lang kini ka pahimangno, apan kun inyo kini’ng hatagan og pagtagad mahimo’ng luwas kita sa sunog.
Sa kataposan, dako’ng garbo sa Bureau of Fire Protection-Region 7 ang pagka-promote sa duha niini ka dagko’ng opisyal nga nahimo na nga Senior Superintendent.
Ang mga nausbawan sa ilang ranggo ug nanumpa na kaniadtong Marso 26 mao ang among Officer-In-Charge nga si Senior Superintendent Erlinda O. Tobias ug ang acting Cebu Provincial Fire Marshal nga si Senior Superintendent Esmael Codilla DM. Congratulations!!!
- Latest
