Mga sekretong di mangunot (2)
Kasumpay kini sa niaging lindog nato, mahitungod sa sekreto sa pipila ka eksperto nga malikayan ang pagpangunot o pag-alkontra sa kunot. Segun sa ilang gihimo sa kaugalingon, obserbahan nato ang mga paagi nila.
* Ayaw gamit og puting asukar — Kini maoy nag-unang likayan nako ang paggamit sa prosesong asukar (white sugar). Kay makatiguwang kini’g dali, nga ang imong 'collagen' (pahamis/pahumok) sa panit mangadaut, nga maoy hinungdan nga mokunot o moyayat ang panit. Kaon og daghang prutas/utan. Matud ni Dr. Ava Shamban, Dermatologist ug tag-iya sa Laser Institute for Dermatology and Skin Care, Santa Monica, California, USA.
* Magpamasahe — Maayo gyud kini. Palihokon ang nabara nga inerhiya gumikan sa 'stress'. Ganahan kong magpa-reflex ug pisilon sa masahe ang akong kaunoran. Kun wa tay ikagasto, igo na paunaton o i-stretch ang lawas, mamalandong, kalma sa panghunahuna ug pagginhawa’g lawom pagawas pasud sulod sa 20 mins. kada adlaw. Pareho ra ni’g benepisyo sa masahe. Matud ni Lisa Hedley, Founder/ Mayflower Inn & SPA, Washington, Connecticut
* Magbitamina — Bitamina- C 'Cream', nga may sangkap kining 30% Vit.C, usa ni ka 'antioxidant' nga nakatabang ayohon ang panit nga nadaut sa init sa adlaw. Duna sad ni katakos nga salaon ang kainit sa adlaw (sunscreen). Matud ni Dr. Arlene Noodleman, Medical Director of the Age Defy, Dermatology & Wellness Center, Campbell, Calofornia.
* Magpapresko uban sa mga prutas — Magsnaks nga may 'malic acid' sama sa apples,ubas,strawberries- molimpyo/mopaputi ni sa ngipon. Matud ni Dr. Elisa Mello, DDS, Cosmetic Dentist sa New York City.
- Latest
