Fire Prevention Month gipangandaman
Gipagawas na ang tema sa atong Fire Prevention Month 2015 observance. Kini mao ang ”Kaligtasan sa Sunog: Alamin, Gawin at Isabuhay Natin!”
Maayo unta nga sa atong pag-obserbar puhon sa Fire Prevention Month sugod sa Marso 1, dili na kita sungogon sa daghang sunog.
Ang sunog mahimong malikayan kun kita’ng tanan magmatngon.
* * *
Nagmalampuson ang gipahigayon nga upat ka adlaw nga Sportsfest 2015 sa Bureau of Fire Protection (BFP)-7 nga pormal nga gibuksan niadto’ng Enero 26.
Gitapos ang kalihukan pinaagi sa usa ka awarding program niadtong Enero 29. Gipangulohan ang maong Sportsfest sa among regional director nga si Senior Superintendent Ma. Luisa Hadjula.
Si BFP-7 director Hadjula misalmot usab sa duwa nga basketball sa women’s category. Ang tumong sa maong sports competition mao ang panaghiusa sa tanang sakop sa BFP-7.
Daghan ang mga duwa sama sa basketball, volleyball, dart, tennis, badminton ug chess. Ang Negros Oriental ug Siquijor maoy migawas nga overall champion.
Ang mga players sa BFP-Bohol maoy ikaduha ug ang ikatulo nga puwesto nakuha sa BFP-Cebu Province.
Ang upat ka adlaw nga torneyo gipahigayon sa duha ka venues sa Cebu City Sports Complex ug sa Mandaue City Sports Complex.
Sa tanang midaog, congratulations ug kadto’ng wala gisuwerte sama sa akong team sa Office of the Regional Director, good luck na lang kanato sa sunod sportsfest.
- Latest
