Brgy Kalunasan, Cebu City

 “Wala gyu’y aksyon among mga opisyal diri labi na sa among kapitan bahin sa problema sa ilegal nga drugas daghan na kaayong naamong aning bisyoha kay gipasagdan ra man.”

Brgy Lamac, Consolacion, Cebu

“Wala na gyuy kasulbaran sa ilegal nga drugas kay daghan na kaayong mga manuyopay diri labi nang mga habalhabal drivers adto  mamalit og shabu sa Pulpogan.”

Brgy Liburon, Carcar City

“Nanghinaot mi sir Jun nga aksyonan na unta nila ning mga tawong tigpayuhot og ilegal nga drugas diri sa among lugar kay hasta mga batan-on nakat-on na’g suyop.”

Brgy Mabolo, Cebu City

“Grabe na kaayo ang shabu diri sa Magtalisay, Holy Name, Sindulan, San Isidro ug Lahinglahing daghan na kaayo kay ang nagbuhi kuno diha sa mga pusher kay polis ra pud gihapon diha sa Mabolo.”

Brgy Balud, Dalaguete, Cebu

“Dili na masumpo ang shabu diri Sir sa ibabaw ubos sa menteryo kay mikuyanap na’g maayo mura’g Pasil na kay ang taga laing Barrio ari diri mamalit gipasagdan ra gyud ni.”

Brgy Tingo, Lapu-Lapu City

“Palihog lang ko’g pahibawo sa kapolisan sa Region Sir nga grabe na gyud ang shabu diri wala gyud masumpo kay polis ra man pud ang magpaluyo aning negosyoha.”

Brgy Estaca, Compostela, Cebu

”Grabe na ang shabu diri sa Purok Mangga daghan kaayo magmotor nga moari diri unya magdeliber ug mamalit shabu kusog ra ba kaayo mopadagan sa ilang motor kuyaw kaayo  makaligis og bata.”

Brgy Magdugo, Toledo City

“Midaghan na man ang mga drug pusher diri sir Jun gikan diri sa among lugar hangtod na sa Sam-ang hinaut nga masumpo na kini kay naa nay bata giunay paghilabot sa amahan.”

Brgy Bulak, Dumanjug, Cebu

“Naghitak na ang mga tigpayuhot og shabu diri sagol lang naay batan-on ug edaran na wala gyud nagpakabana ani nga otoridad hasta opisyal sa barangay ug taga lungsod nagmika lang.”

Brgy Sta Rosa, Lapu-Lapu City

“Mamalihog mi sa kadagkuan sa kapolisan nga aksyonan ning polis nga sige’g  butho sa balay sa mamaligyaay og shabu ambot kun mopalit ni siya’g ilegal drugs o magkobra sa protection money .”

Brgy Banhigan, Badian, Cebu

“Sir Jun maayo unta’g sa PDEA  ang moaksyon sa problema sa ilegal nga drugas diri kay gipasagdan ra man ang mamaligyaay ug mga user bisa’g ilado na kining mga tawhana.”

Alang sa inyong mag reklamo text lang sa 09071678643