Mga lumad sa kabugnaw

Usa sa hinungdan ngano wala gayud pa kini  maabot sa sibilisasyon ang kontinente sa Antartika, tungod kay ang klima didto haskang hilabihan katugnaw o kabugnaw sa maong dapit. Dili madala’g kupo sa bagang jacket o habol sama sa atoa kun tugnawon kita. Kay ang grabe kabugnaw sa yelo (ice) maoy mohabol sa lawas nga magkurog kang inanay nga matuskig.

Kun winter magpabantang ka sa gawas, di ka magdugay mahimo kang yelo (ice) ug matabunan ka pa gyud sa ulan nga yelo (snow showers). Nga mora ka’g gipreserbar nga buhi ilawom sa blokeng yelo. Apan dunay mga lumad didto nga nabuhi bisan pa man sa grabeng kabugnaw. Aktibo pa nga nagpahayahay ilawom sa mga langob sa yelo ug anaa pa gyu’y namuyo ilawom sa ice nga may tubig sa dagat. Sila ang mga lumad didto nga puwedeng mabuhi

* ORCAS – May tulo ka klase ni sa mabangis nga dagkoong mga balyenang anaa lamang sa kadagatan sa Antartika. Aduna sila’y lain-laing mga ampay nga kaonong mga isda, penguin, ug mga gagmay balyena (minke whales).

*SNOW PETREL – Mga puting langgam kining nabuhi sa dagat nga ice, nga manukob og mga bihod sa dagat (krill). Silay kusog kaayong mosanay ug ang ilang itloganan anaa sa mga tag-as nga pangpang nga di makita sa tawo.

* WEDDELL SEAL– Mga langgam sad ning (mora’g woodpecker) maoy tig-sungag sa yelo nga mabangagan, unya mosawom ni sila’g ½ ngadto 1 ka oras nga moabot sa 600 metros, aron lang pagpangita sa kaonong isdang toothfish.

*ANEMONE– Anaa ni sa dagat nga nailawoman sa bagang yelo. Humokong pution sama sa ulo sa nukos nga may tag-as nga talinisong mga kuyamoy.