Brgy Tingub, Mandaue City

 “Hangyo mi sa mga opisyales nato sa gobiyerno labi na sa barangay nga ipaayo na unta ang guba kaayo nga karsada diri sa among lugar kay pwerte gyud ka libaong hinaut nga matagad ni kay dugay na kaayo ni namong problema.”

Brgy Patupat, Barili, Cebu

“Amo lang ni klaruhon sir Jun kun legal ba kay naay maestra diri sa eskuwelahan sa among barangay kay pabayron man og tag 200 pesos top 10 honors kada room di ba gidili man unta ni sa DepEd, maayo unta masusi ni diri Sir kay daghan ginikanan nagbagulbol.”

Brgy Caputatan Norte, Medellin, Cebu

“Hangyo lang unta mi sa among mga opisyal sa barangay nga mangita unta sila’g sakyanan nga magamit kun dunay emergency sa mga tawo labi nang masakit kay lisod kaayo among lugar diri mamatay na lang gud ang tawo kay way kasakyan padung sa hospital.”

Brgy Pahina San Nicolas, Cebu City

”Grabe  kaayo ang sugal diri sa among lugar hasta shabu pero wala man gyud dakpa hambugero kaayo sila nga dili daw dakpon kay ila ang mga pulis unya ubang opisyal sa barangay, dugay na kaayo ning problemaha diri nga wa masulbad.”

Brgy Jomgao, Argao, Cebu

“Mamalihog unta mi nimo Sir nga unta matrabaho ning gubaon namong karsada sa sitio Goso kay puwerte namang gubaa dugay na kaayo ni namong reklamo pero hangtod karon wala maatiman daghan nang nadisgrasya diri.”

Brgy Poblacion, Oslob, Cebu

“Grabe na ang baligyaay og shabu diri kay hapit kada gabii magpista ang mga mamalitay mura’g naay midnight sale wala man gyu’y nakabadlong ani hasta mga polis mura’g wa kakita nga unya duol ra man sa police station ning grupo sa mga mamaligyaay og shabu.”

Brgy Pandanon, Jetafe, Bohol

“Hangyo unta mi Sir patabang pagsulbad sa problema sa ilegal nga drugas diri sa among lugar daghan nang mga estudyante ang naagni aning mamaligyaay og shabu, hinaut nga molihok na among mga opisyales sa barangay arun masumpo ning problemaha.”

Brgy Danglag, Consolacion, Cebu

“Sir Jun naay karsada diri sa amo lugar nga grabe na kaguba nakakita na man unta among mga opisyales labi na sa among kapitan sa problema pero hangtod karon wala man gyu’y gihimong aksyon, kanus-a man tawon ni trabahoon.”

Brgy San Miguel, San Remigio, Cebu

“Tabangi mig duol sa PDEA7 sir Jun kay puwerte nang daghana sa mga naadik diri mahadlok tawon ming mga inosente kay basin kami intawon ang mabiktima aning mga adik, among mga opisyal diri way pakialam sa problema.”

Brgy Calamba, Cebu City

“Diri sa A. Lopez sir Jun ang mga pusher kun mamaligya’g shabu wagas lantaran na kaayo mura’g namaligya lang sila’g isda daplin sa dalan, kanus-a kaha masulbad ning problemaha diri sa mga polis ug sa mga opisyales sa barangay.”

Brgy Canduling, Ronda, Cebu

“Amo lang ipaabot nimo Sir ang kabahin aning among lima ka konsehal kay sige dili man mopirma sa para suweldo sa kapitan ug mga tanod hasta barangay hall way suga, mag usa ka tuig na ang nakalabay way projects nga nahimo tungod aning lima ka konsehal nga sige’g supak.”

Brgy Adlaon, Cebu City

“Diri sa sitio Luyo Sir daghan kaayo nga adik kay naa may namaligya diri nga gipasagdan lang, puwede mi kahangyo nimo nga ipadakop ni diri ang namaligya’g shabu Sir kay daghan nang kaugmaon nahugno aning ilegal nga drugas.”

Brgy Campao Oriental, Getafe, Bohol

“Tabangi intawon mi Sir nga masumpo na ang ilegal nga drugas kay mao namay isuhol sa trabaho maong daghan nang mga naadik diri, luoy kaayo ang mga asawa nga maghuwat sa suweldo sa mga bana kay imbes kuwarta gisuyop na man lang ang shabu.”

Alang sa inyong mga reklamo text lang sa 09071678643