Brgy Guadalupe, Cebu City

“Manawagan lang mi sa among mga opisyal sa barangay sir Jun nga ayuhon na unta ang comfort room sa sports complex namo diri kay lisod kaayo sa mga hilig duwag basketball labi na nga hapit na ang liga diri.”

Brgy Jubay, Liloan, Cebu

“Naunsa na man ning among lugar diri Sir nga mikatap na man ang shabu ilabi na sa sitio Mahayahay kay mura na man lang og sarisari store nga yano lang ibaligya ang shabu maayo untag mahatagan nig dali nga aksyon.”

Brgy Zapatera, Cebu City

“Sige lang mi’g reklamo ani ngadto sa barangay Sir pero wala man gihapon himuig aksyon kining lunop sa Riverside corner Zapatera kay dugay naming gaantos ani pero wala nagpakabana nga mga opisyal bahin aning among reklamo.”

Brgy Panugnawan, Medellin, Cebu

“Kining among lugar Sir naghitak gyud diri ang ilegal nga drugas kay wala may mibadlong nga mga opisyal sa barangay tungod kay usa sa nagbaligya diri anak man sad sa usa ka opisyal namo diri.”

Brgy Pit-Os, Cebu City

“Patabang unta mi diri Sir nga madakpan ning mga namaligyag shabu diri kay kuyawan nami diri  basin mapagan mi aning gihimong ilegal sa uban namong mga silingan, idlas kaayo ning grupoha nga namaligya diri Sir.”

Brgy Cantabaco, Toledo City

“Hangyo unta mi sir Jun nga ipasusi sa taga City Health ang baboyan diri sa masaba dapit duol sa national high school kay grabe na man lang gyud ka baho para ilang mahibaw-an kun ila bang ipahunong ning piggery diri o ipadayon kay para namo dili gyud kay hasol kaayo ang baho.”

Brgy Guba, Cebu City

“Ang among lugar Sir misikat na pag-ayo kay hapit kada adlaw naa gyu’y moreklamo nga gikawatan, daghan nang mga kawatan diri Sir kay nangaadik na ilang ipalit og shabu pero hangtod karon wa pay aksyon among mga opisyal diri.”

Brgy Looc, Lapu-Lapu City

“Sir Jun grabe na man sad ning among mayor diri wala man gyud magtan-aw aning baha pirmi atbang sa Central School labi na kun mag-uwan luoy kaayo ang mga bata kun dunay klase, sige ra man silag ingon nga problema ni siya sa national government.”

Brgy Ticad, Bantayan, Cebu

“Sir Jun mangayo unta mi nimog tabang nga mapaabot diha sa kadagkuan sa polis sa probinsya kay diri sa among lugar kusog ang shabu pero ang mga polis wala may aksyon makaduda man ta mga naa silay koneksyon sa grupo.”

Brgy Tangke, Talisay City

“Diri dapit sa Galaxy sir Jun kay naghitak man og maayo ang ginadiling drugas mura gud og merkado panahon sa gabii kay daghan kaayo moari diri nga mamalit daghan nang nangabuang diri sige’g suyop maayo untag panid-an ni sa mga polis.”

Brgy Guizo, Mandaue City

“Sir nag-unsa man ning mga polis sa Mandaue wala man gyud kahimog aksyon aning problema sa ilegal nga drugas diri sa among lugar, hapit kada gabii daghang manuyop diri naay usa ka pamilyaha ang utok aning pamaligya dirig shabu.”

Happy birthday nilang EUGENE PONCE, RHODELIO VELIGANIO ug JOHN RHINO SALVADO.

Alang sa inyong nag reklamo text lang sa 09071678643