Makabaliw nga panghitabo

Adunay nag-ingon nga makabaliw ang panghitabo sa Barangay Canduman, Dakbayan sa Mandaue nga iro gipanamastamasan sa hubog nga lalaki ug ang paglugos sa buntis nga baboy sa wala hiilhing  lalaki sa Barangay Piyo,  lungsod sa Tabogon.

Nahimong init nga hisgotanan sa bisan asang dapit nga panagtapok sa mga tawo sama sa merkado publiko,  mga imnanan, magbilar sa namatyan o barberohan nga ang malingaw sa pagpaminaw   mobahakhak sa pagkatawa ug ang wala malingaw  igo na lamang sa  pagpanglingolingo sa ulo.

Ang maong kahimtang maoy makita sa sulod sa usa ka barberohan nga giapilan sa  tulo ka barbero nga sila si Andot, Usoy ug Junior  uban sa gitupihan  nilang mga kustomer nga nanghugyaw  sa pagpangatawa nga naghisgot sa nahitabong pagpanamastamas sa iro ug paglugos sa baboy.

Ang gibati nilang kahimuot nga naghisgot sa maong panghitabo dako usab kaayong  sukwahi sa  gibati sa ilang hamtong na nga kaherang babaye  nga kalit lang mibarog sa iyang gilingkoran nga daw nasuko ug mibadlong sa ilang pagpangatawa.

“Hilom na mo ana uy,” nagkanayon ang kahera. “Makabaliw baya na. Unsa man gustong kilatan?”

Misagbat ang  laing kustomer nga usa ka retired polis nga sama sa kahera nga wala usab mahimuot nga naminaw ug miingon nga ang maong panghitabo lisod nga katuohan nga iro o baboy lugoson og tawo.

Gipasabot sa retired polis nga adunay kinaiya sa tawo nga kun mahubog magmaoy,  maghubo, magpataka na lang og pangihi, moligid bisan asa ug  wala na masayod sa ilang gibuhat.

Matud pa sa retired polis nga posible nga gilain lang sa pagsabot ang  kahimtang sa hubog nga lalaki  uban sa iro o baboy  sa mga tawo nga nakakita niini. Human sa mao niyang pamahayag  maoy iyang gisunod ang pagpangutana sa tanan nga didto sa sulod sa maong barberohan kun kinsa kanila ang nakakita na sa kinatawo sa baboy nga butakal.

Ang kahera nga nakapaminaw sa maong pangutana  sa maong retired polis dali usab nga misagbat sa pagtubag nga nagkatawa nga magtuyok  kuno  mura’g  barina ang porma.