Jackfruit Congress

CEBU, Philippines - Ang labing unang panagtigum kalabot sa prutas nga nangka kun langka gipahigayon dili pa lang dugay didto sa Baybay City isip kabahin sa ika-90 nga anibersaryo sa Visayas State University (VSU).

* * *

Ang maong 1st Jackfruit Congress giapilan og 93 ka  nagkadaiyang partisipante gikan sa  kalungsuran ug mga dakbayan sa Region 8 sama sa Abuyog ug Mahaplag, Leyte; Ormoc City, Baybay City, Maasin City ug Calbayog City.

* * *

Atol sa maong 1st Jackfruit Congress, dunay presentasyon ug mga kalambuan sa jackfruit production. Gidispli mga produkto gikan sa nangka sama sa jackfruit seed coffee-like drink, nangka juice, marmalade, jam, burger patty, gummy candy ug uban pa.

* * *

Mao pa kadto ang unang higayon nga ang publiko nasayod nga gikan sa nangka daghang produkto ang mahimo diin adunay posibilidad nga makatabang sa atong ekonomiya kon kahatagan og halapad nga atensiyon sa kagamhanan.

* * *

Kining atong nahibaw-an kabahin sa nangka production atong nabasahan sa “Eastern Visayas Mail” (EV Mail) ang nag-unang pamantalaan lokal sa Region 8 ug nagbasi sa Ormoc City. Ang publisher ug editor sa maong mantalaan mao si Ma’am Lalaine M. Jimenea, koresponsal sa The Freeeman ug Philippine STAR.

* * *

SA LAING BAHIN ... Daghang salamat ni Ma’am Lalaine sa nagpadayon niyang pada kanato og kopya sa iyang mantalaan ... Greetings sa atong mga magbabasa diha sa mga merkado sa Lapu-Lapu, Liloan, Consolacion, ug Mandaue. Salamat sa inyong walay hunong nga suporta sa Banat News.