WB misalig pa sa nasud

Taliwa sa mora’g krisis nga giatubang karon sa administrasyon ni Presidente “Noynoy” Aquino gumikan sa nagpadayon nga pagsaway kaniya sa taga oposisyon, sa pipila ka sektor sa media ug mga militante’ng grupo - walhon ug tuohon, apan wala maapektohi ang pagsalig sa international community nganhi sa atong nasud.

Perhaps, maoy ilang nakita nga kon aduna may mga kapakyasan ang Aquino administration, mas daghan ang mga maayo’ng nahimo kay sa dautan. Busa, masaaron ug malambuon gihapon ang ugma sa atong nasud, labi na sa natad sa ekonomiya.

Labi’ng uwahi nga timailhan sa maong pagsalig mao ang pagpahuwam sa World Bank nganhi sa atong nasud sa kantidad nga US 508.25 milyones dolyares (kamo na lay kuwenta kon pila ni sa atong peso).

Ang kuwarta alang kini sa rural infrastructure, pagpauswag sa abut sa atong kaumahan ug kadagatan. Sa ato pa, ang direct nga mga beneficiaries niini mao ang mga gagmay’ng mag-uuma ug mangingisda.

Gipaabot nga gumikan ning maong programa, ang unom ka tuig nga Philippine Rural Project (PRDP), makapausbaw kini sa kinitaan sa katawhan, ug makapaminos sa kawad-on sa mga yano’ng lungsoranon.

Matud ni Philippine WB Director Motoo Konishi: “A successful implementation of this project could boost the country’s efforts to achieve growth that creates jobs, in line with the World Bank Group’s twin goals of eradicating extreme poverty and promoting shared prosperity.”

Maoy nakita sa WB nga ang kadaghanan’g kabus nga Pinoy atua magpuyo sa rural areas maoy hinungdan nga ang ila karong concentration mao ang rural development. Ang 70 porsiyento sa kinatibuk-ang salapi adto mahipunta sa rural infrastructure projects sa mga local government units.

Maglakip kini sa mga “farm-to-market roads, bridges, tire tracks, communal irrigation, potable water system, post harvest facilities, production facilities, fish landings, fish sanctuaries, storage facilities, trading post, green houses, solar driers, ug slope stabilization works.”

Massive rural development, diin ang primary nga makapahimulos mao ang mga mag-uuma ug mangingisda. Matud sa WB, “the project will directly benefit close to two million farmers and  fisherfolk, and will also indirectly benefit an estimated 22 million people.”

Busa atong makita nga bisan sa awhag sa pipila ka sektor pagpa-resign ni Noynoy, nagpadayon ang pagsalig sa World Bank sa atong nasud.