Brgy Calero, Liloan, Cebu

 “Malouy tawon ka Sir kusog na kaayo ang shabu sa among lugar amo na ning gi-report sa mga polis diri sa lungsod pero wala may aksyon, makabantay hinuon mi nga naay polis mag-anhaan sa balay sa gidudahan nga drug lord.”

Brgy Babag, Lapu-Lapu City

“Nganong sa Cebu City ug Mandaue City ra man ang sige’g dakop sa shabu sir Jun nga unta diri sa among lugar ug sa Kalawisan mas daghan ang namaligya diri’g shabu wala man dakpa.”

Brgy Cubacub, Mandaue City

“Diri sa eskina Relis Sir daghan man mga container vans nga gihimong parkingan ang karsada kuyaw kaayo sa ubang mga motorista labi na sa mga nag motor panahon sa gabii kay way warning device.”

Brgy Gawi, Oslob, Cebu

“Naa mi konsehal diri Sir nga hayahay pa sa polis ang kahimtang kay sige lang dawat sa honorarium unya way tungatunga sa session kay mas giuna man hinuon ang iyang negosyo unya iyang mga kauban sa konseho mura’g wala lang say gihimo.”

Brgy Mactan, Lapu-Lapu City

“Ako lang untang ipabadlong sir Jun kining mga nagduwa’g basketball sa karsada kay delikado kaayo namong mga motorista kay magsige gihapo’g duwa bisa’g naay moaging sakyanan, naa man untay konsehal nagpuyo duol diha.”

Brgy Yati, Liloan, Cebu

“Diri sa among lungsod kay bisa’g asa nga barangay naa nay video karrera machines naa mi silingan diri nga naay video karrera pero pagbadlong namo nasuko kay sakto daw sila’g bayad sa polis.”

Brgy Guiwanon, Barili, Cebu

“Reklamo lang ko sir Jun kay ang karsada namo diri padung na sa boundary sa Dumanjug bati na man lang gyud kaayo pero ang uban pwerte mang nindota sa ilang karsada baga pa gyud kaayo ang semento.”

Brgy Talamban, Cebu City

“Diri sa sitio Kalubihan sir Jun kay naay nanag-iya diri’g sounds usahay mura’g mag concert bisa’g lawom nang gabii saba kaayo ilang mga tukar disturbo kaayo namong mga silingan.”

Brgy Poblacion, Medellin, Cebu

“Daghan na kaayo’g mga tiggamitan og ilegal nga drugas diri sa among lugar pero wala may pakabana ang mga opisyal sa barangay ug lungsod unya mga polis sad nagpadako lang sa ilang mga tiyan.”

Brgy Bacayan, Cebu City

“Nahibulong lang mi Sir kay among mga opisyal diri sa barangay estrikto kaayo parti sa basura pero daghang mga basura diri dapit sa among lugar ang wala gyud kuhaa nanimaho na lang pero giagiagian lang sa garbage truck. ”

Brgy Tabunok, Talisay City

“Wala man gyu’y nakabadlong aning mga bata nga sige’g hingos sa vulca naa ni sila magtambayan sa may Botica John usahay lang kay mangawat ning mga bataa.”

Alang sa inyong reklamo text lang "sa 09071678643