Si Pope Francis

Kining atong Santo Papa Francis karon lahi gayud og kinaiya kun ikomparar sa mga nangaging Santo Papa. Makatawo, mapaubsanon, way hangin. Sa iningles pa, humble.

* * *

Ning bag-o pa, nakurat ang mga trabahante sa usa ka trabahuan didto sa Vatican dihang nitunga siya sa kapeterya ug niuban sa mga trabahador linya dala ang meal tray nga butangan sa pagkaon.

* * *

Human hatagi sa iyang gipili nga kan-on alang paniudto, mibayad sa kahera kinsa matud pa sa balita “didn’t have the courage to hand him the bill.”

* * *

Samtang nagkaon sa workers’ dining table, si Pope Francis nalingaw og nakig-istorya sa mga trabahatne nga kauban niya sa lamesa. Paghuman kaon iyang giblesingan ang mga workers, suma pa sa cafeteria chef nga si Franco Paini.

* * *

Asa ka makakita’g Santo Papa ingon ni Pope Francis kinsa sobra ka humble ug ang kinaiya bisan ang ordinaryong kura parokong Pinoy wala makaangkon. Mao nga ang balitang moanhi sa Pilipinas si Pope Francis unya sa 2016 gihangup sa minilyong Katoliko Pinoy.

* * *

SA LAING BAHIN ... Mangumusta kita sa atong mga higalang magbabasa ning Banat News diha sa mga estasyonan sa kapolisan diin kining atong mantalaan binasa kaayo. Daghang salamat sa inyong suporta.