Brgy Mactan, Lapu-Lapu City
“Palihog tawon mi’g pukaw sa among mga opisyales diri nga masanta ug madesiplina ang mga garbage collector sa Sea Breeze kay mangasaba man hinuon namo kun naa masagol nga malata kay gusto nilang kuhaon kanang dili malata kay mahalin man.”
Brgy Yati, Liloan, Cebu
“Trapik kaayo diri sa among lugar kay mas palabihon man sa mga traffic enforcer ang mga sakyanan gikan sa interior kay sa mga sakyanan gikan sa highway pun-an pa anang mga giparking both sides.”
Brgy Talamban, Cebu City
“Sir amo lang ireklamo kay nakabantay gyud mi nga naay mga polis nga makit-an namo nga mag-anhaan sa lugar diin naa nagpundok ang mga gipasanginlang nagbaligya’g shabu labi nang duol na sa sitio Dita.”
Brgy Somon, Tuburan, Cebu
“Palihog tawon mi’g tabang Sir nga maayo na unta ang kuryente diri sa among lugar kay luoy kaayo ming nagpuyo diri, naay gihaya diri nga patay ang luoy sad kaayo kay wala gyu’y suga tawon.”
Brgy Pusok, Lapu-Lapu City
“Naunsa na man ning among lugar Sir naa gyud dapit nga guba kaayo karsada daghan kaayo’g lubaklubak wala’y pakabana ang mga opisyales sa barangay hitak kaayo dagha’g tubig manggawas sa kanal.”
Brgy Tejero, Cebu City
“Kining Villagonzalo duol sa Blessed Sacrament church kay daghang manuyop nga mga PUJ drivers kay ang naninda’g shabu display ra kaayo mura la’g naninda’g isda, wala pa gyu’y nadakpan nga mga pushers.”
Brgy Basak, Lapu-Lapu City
“Naunsa na man ning road concreting wala man gihapon mahuman unya sa may Tamiya kay giguba na sad, kanus-a man tawon ni mahuman uy kay nakahasol na kaayo ni namong taga Opon.”
Brgy Labogon, Mandaue City
“Sir Jun pila na man ni ka buwan among basura wala man gyud kuhaa grabe na gyud kahugaw nagkatag lang ang mga basura daplin sa karsada unya among kapitan wala’y pakabana.”
Brgy Catarman, Liloan, Cebu
“Wala na ko kauyon aning among lugar Sir kay daghan na man kaayong namaligya’g shabu ug mga adik, kanus-a pa man ni masulbad kay akong kailang mga batan-on nagsugod nag kakat-on paggamit og shabu.”
Brgy San Roque, Ginatilan, Cebu
“Naunsa na man ning park namo sa lungsod nga wala pa man gyud maayo ang mga suga tanan unya wala pa sad mataud ang extention, kanus-a man ni siya aksyonan sa mga opisyales sa barangay.”
Brgy Binaliw, Cebu City
“Ang among karsada diri mura na man og sapa pun-an pa sa mga sakyanan nga hapit na lang magpatunga kun iparking sa mga tag-iya overnight pa gyud, mga opisyal diri way aksyon.”
Alang sa inyong kga reklamo text lang sa 09071678643
- Latest
