Brgy Ocana, Carcar City

“Nagkagrabe ang shabu diri sa among lugar sir Jun labi na diri sa eskina wala gyu’y tagad ang among mga opisyal sa barangay nga unta duol ra man ang namaligya sa barangay hall, kasagaran sa ilang mga customer kay mga high school student.”

Brgy Gun-Ob, Lapu-Lapu City

“Sa sitio Tugas Sir kay naay namaligya’g shabu pero wala man gyud ni siya dakpa nga unta daghan na man ang nakahibawo kinsa ning pusher diri, babaye ni siya Sir nga tambukon.”

Brgy Labangon, Cebu City

“Sa Cogon-A Lopez Sir kay grabe na kadaghan sa namaligya’g shabu kay mura lang og nagpaaway sa kaka, naa may mga polis nga mag-arian pero wala may nakadakop aning mamaligyaay nga unta nailhan nani sila sa mga polis.”

Brgy Jagobiao, Mandaue City

“Sa sitio Lourdes kilid sa Eversley Hospital kay daghang sakyanan mag-parking maglisod na hinuon mi’g agi kay gi-okupar na man nila ang usa ka lane unya wala may nakabadlong nga mga opisyal namo sa barangay.”

Brgy Pitogo, Consolacion, Cebu

“Mamalihug lang unta mi Sir paghangyo sa among mga opisyal namo sa barangay labi na sa among kapitan nga unta makuha ning mga basura sa sitio Laray Maglasang street kay pila na ni ka buwan wala kuhaa.”

Brgy Maslog, Danao City

“Tabangi mi diri sa pagutlan kay grabe na kadaghan ang shabu dili na gyud mapugngan mamalihog unta mi’g patabang sa CIDG 7 aron madakpan ning nagpasiugda aning illegal nga sugal.”

Brgy Can-Asujan, Carcar City

“Naay videokehan diri sa TOP SAAY kusog kaayo ang sounds magbuntagay halos dili na makatulog ang mga nagpuyo duol, mga opisyal namo sa barangay wala man sab kabadlong sa tag-iya ani.”

Brgy South Poblacion, City of  Naga

“Naghitak na diri ang mga sugal sama sa hantak, tigbakay, masiao ug illegal nga drugas wala gyud ni mabadlong sa mga bag-ong napili nga mga opisyales namo sa barangay apil nang mga tanod way mga gamit.”

Brgy Pakigne, Minglanilla, Cebu

“Ang mga basura diri sa lower Minglanilla Sir nangabaho na lang gyud kay wala may klaro nga pagkuha sa mga garbage collector agian ra man mi diri nga unta nagbayad man mi sa munisipyo matag tuig.”

Brgy Tambooc, Inabanga, Bohol

“Sir Jun ang namaligya’g shabu diri grabe na ka barumbado kay magdaladala ma’g pusil daghan kaayo’g mga bata nakakita aning mga tawhana sa ilang pusil bisa’g daghang mga tawo.”

Brgy Santikon, Badian, Cebu

“Naghitak sad ang shabu diri sa among lugar pero wala sad magpakabana ang mga opisyales namo sa barangay hasta mga tanod wala sad molihok para maminusan unta ning mga namaligya’g shabu kay utro man sab silang badlungon.”

Brgy Bulacao, Talisay City

“Wala man gyud ni dakpa sa mga polis ang drug lord diri sa among lugar sir bisa’g nakaila na sila kinsa ning tawhana, sakto gyud tong taga NBI7 nga posibleng dunay mga polis nga protektor.”

Alang sa inyong mga reklamo text lang sa 09071678643