Biyai ang imong pagmahay

Ang ikaduhang sekreto mao ang pagdasig kanato nga angayan lamang nga atong biyaan ang atong pagmahay. Kini tungod kay daghan kanato ang wala lang makahimo og igong pagsubay sa dalan nga makahatag kanato og nindot nga sugilanon kalabot sa atong kaugalingon. Kini tungod kay nagdumili man kita nga mamahimong mga matinud-anon sa atong mga kaugalingon. Ug gihimo natong sukaranan ang katilingbanong pag-uyon ingon man ang peer approval nga sukaranan sa atong self-worth. Ang resulta aduna kita’y mga gitinguha nga nahimong unfinished business alang kanato. Ang maong mga unfinished business nahimong atong problema diha na hinuon sa atong paghamtong. Padayon silang mohasol kanato ug padayon nilang ihikaw ang kalinaw bisan gani diha sa atong paghikatulog. Mao nga aron walay pagmahay atong ihatag ang tanang maayo karong panahona ug dili nato paabuton pa ang ugma.