Patay'ng babaye milutaw sa dagat

CEBU, Philippines - Patay nang nakit-an ang usa ka 42-anyos nga dalaga nga naglutaw sa dagat sa barangay Dunggoan siyudad sa Danao kagahapon sa alas 5:00 sayo sa buntag. Ang napalgang patay mao si Dimna Dayon, 42, gituohang dunay deperensiya sa pangisip. Matud ni SPO2 Ildefonso Prosia, Desk Officer sa Danao City Police sa Banat News mga mananagat maoy nakakita sa patay’ng lawas niini. Sumala pa sa mga kabanay ngadto sa kapolisan sayong nilakaw sa balay si Dayon ug kanunay na kining misuway kaniadto sa paghikog. (BANAT NEWS)