Banat ( Leaderboard Top ), pagematch: 1, sectionmatch: 1

3 ka kahon isdang pinabuthan nadiskobre

CEBU, Philippines - Tulo ka kahon sa mga isdang pinabuthan ang nadiskobrehan sa mga tinugyanan sa Task Force Kalikasan didto sa barangay Babag, dakbayan sa Lapulapu sa miaging adlaw.

Si SPO1 Jomar Ybanez nga maoy nangulo sa inspection sa mga baligyang isda sa maong barangay mibutyag nga ang tag-iya maong mga isda nangatarungan nga iyang kinompra sa Pasil fish market sa dakbayan sa Sugbo ang maong mga isda.

Gibayran sa negosyante og tag P1,900 ang matag kahon   sa maong mga isda nga nagkalainlain og klase nga nakuha pinaagi sa dinamita.

Wala lang una nila sakmita ang maong mga isda apan gipasidan-an ang mga negosyante nga sa panahong mamaligya pa kini og usab sa mga isdang nakuha pinaagi sa dinamita dili na sila magpanuko sa pagsakmit niini.

Matud pa ni Ybanez nga ang masakmit nga mga isda ipakaon sa mga piniriso ug ngadto sa mga anaa sa balay sa kaluoy ning dakbayan sa Sugbo nga libre.

Sa pagkakaron gipanghingusgan sa kagamhanan ang pagbantay sa mga baligyang isda sa kamerkadohan kay gihimo sa mga negosyante ang tanang paagi aron suklan ang balaod.

  • Follow Us: