Banat ( Leaderboard Top ), pagematch: 1, sectionmatch: 1

Dalaga gilugos gipatay

CEBU, Philippines - Usa ka wala mailhing babaye nga nadugta na ang patay’ng lawas ang napalgan sa sulod sa pampublikong sam-ang sa lungsod sa Janiuay, Iloilo niadtong Domingo sa hapon.

Nagduda ang kapolisan nga posibleng gilugos ang biktima tungod kay wala na kini gisuot nga panty dihang ilang napalgan samtang naisa na ang kolor bulaw niining blouse ug naus-os na sa tiilan ang jogging pants niini. Si Inspector Jigger Gimeno, ang hepe sa kapolisan sa Janiuay nagtuong 18 ngadto sa 22 anyos ang biktima ug tulo ka adlaw na kining namatay.

 “We have a hard time identifying her because she was already on the advanced state of decomposition,” matud pa sa hepe.

Kagahapon, usa ka amahan nga adunay na-missing nga anak ang gikatakda untang mosusi sa patay’ng lawas apan tungod sa kabaho giuktaba una kini.

“But we postponed it until the foul odor subsides. Tama gid kabaho,” dugang pa ni Gimeno. Ang maong amahan residente kaniadto sa Barotac Viejo ug bag-ohay lang mibalhin og puyo sa Janiuay, ang maong amahan nagmaneho og pedicab samtang nagtrabaho sa usa ka restaurant-bar ang anak niini.

Pipila ka adlaw ang nakalabay ang agalon sa dalaga mipahibalo sa kapolisan nga na-missing kini.

 “They were almost of the same age, as the dead woman found in the cemetery although the victim seemed to be chubby,” matud pang Gimeno.

Base sa pasiunang imbestigasyon daw adunay kadaot nga nahiaguman sa ulo ang patay’ng lawas nga gituohang inagian sa gahi nga butang nga gibunal kaniya. Aduna pay himuong awtopsiya sa patay’ng lawas pagtino kung unsay gikamatyan niini ug kung gilugos ba ang biktima.

Nasuta nga ang grabeng kabaho nga nangalisbo sa palibot maoy hinungdan sa pagkadiskubre sa patay’ng lawas dihang ang mga residente mireklamo na niini apan giingong usa ka kawani sa gobiyerno nga miduaw sa lubong sa asawa diha sa maong sam-ang maoy nakadiskubre sa patay’ng lawas. (BANATNEWS)

  • Follow Us: